Domingo Sangriento (1905)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o Domingo Sangriento en Sant Petersburgo o 22 de chinero de 1905; ta atros usos, se veiga Domingo Sangriento.

Se conoix con o nombre de Domingo Sangriento a los feitos escaicitos o domingo 22 de chinero de 1905 en a ciudat de Sant Petersburgo, en l'Imperio Ruso, cuan a Guardia Imperial Rusa disparó contra una manifestación pacifica en a frontera d'o Palacio d'Hibierno, a residencia d'o zar Nicolau II de Rusia.

A manifestación, que heba estato convocata por o pope Georgi Gapon, replegaba a muitos obreros, en numero de 30.000 u de 200.000, seguntes as fuents, y nomás miraba de millorar as condicions socials y economicas d'os treballadors rusos, muit disminuyitas por a Guerra Ruso-chaponesa. Sindembargo, encara que Gapon yera un reformista vinculato a o rechimen (morió asasinato en 1906 acusato de traidoría por os revolucionarios y de fer parte d'a Okhrana, a policía politica zarista), a manifestación fue reprimita con violencia por a Guardia Imperial Rusa, con 1.000 muertos y 5.000 feritos, en a suya mayor parte mullers y nins.

En ixeminar-se por l'Imperio Ruso la noticia d'ista mortalera, prencipioron muitas luitas y barallas en a dita Revolución rusa de 1905, y se considera que ista mortalera ye en a radiz d'as reformas feitas por Nicolau II y d'a suya creación d'a Duma u Parlamento, y mesmo d'a dita Revolución rusa de 1917.

Vinclos externos

Se veigan as imáchens de Commons sobre o Domingo Sangriento.

Datos: Q185642
Multimedia: Bloody Sunday (1905) / Q185642