As bestas

As bestas
Títol	As bestas
Póster d'a cinta, obra de James Verdesoto
Ficha tecnica
Dirección	Rodrigo Sorogoyen
Producción	Thomas Pibarot Anne-Laure Labadie Jean Labadie Rodrigo Sorogoyen Nacho Lavilla Eduardo Villanueva Sandra Tapia Diaz Ignasi Estapé Ibon Cormenzana
Disenyo de producción	Jose Tirado
Guión orichinal	Isabel Peña Rodrigo Sorogoyen
Musica	Olivier Arson
Fotografía	Alejandro de Pablo Pérez
Montache	Alberto del Campo
Escenografía	Marta Loza Alonso
Vestuario	Paola Torres
Maquillache	Irene Pedrosa
Peluquería	Jesús Gil
Casting	Paula Cámara Arantza Vélez
Actors	Denis Ménochet Marina Foïs Luis Zahera Diego Anido Marie Colomb Machi Salgado Luisa Merelas
Datos y cifras
País(es)	Espanya Francia
Anyo	2022
Debantadera	26 de mayo de 2022 Festival Internacional de Cine de Canas (Canas, Provenza-Alpes-Costa Azul, Francia) 18 de setiembre de 2022 Festival Internacional de Cine de Sant Sabastián (Sant Sabastián, País Basco, Espanya)
Chenero(s)	Cine de drama Cine d'intriga
Durada	137 min.
Idioma(s)	Castellano Francés Gallego
Companyías
Productora(s)	Arcadia Motion Pictures Caballo Films Cronos Entertainment Le Pacte
Recauto	10.3 millons de dólars
Informacions en bases de datos especializadas:

As bestas (títol orichinal en gallego, en aragonés As bestias, enguerada en Aragón co o suyo títol orichinal) ye una cinta de cine de drama d'intriga coproducida por o cine espanyol y lo cine francés, enguerada l'anyo 2022, dirichida por Rodrigo Sorogoyen seguntes un guión orichinal d'Isabel Peña y Rodrigo Sorogoyen, con una banda sonora orichinal d'Olivier Arson, una dirección de fotografía d'Alejandro de Pablo Pérez y una producción cinematografica de Thomas Pibarot, Anne-Laure Labadie, Jean Labadie, Rodrigo Sorogoyen, Nacho Lavilla, Eduardo Villanueva, Sandra Tapia Diaz, Ignasi Estapé y Ibon Cormenzana. Conta con un elenco formar por os actors Denis Ménochet, Marina Foïs, Luis Zahera, Diego Anido, Marie Colomb, Machi Salgado y Luisa Merelas, entre d'atros.

As bestas s'inspira en un feito real, un asasinato cometiu en chinero de 2010 en a parroquia de Santoalla do Monte en o termin municipal de Petín en a provincia gallega d'Ourense, cuan uns vecins d'o lugar asasinoron a una parella neerlandesa. En a cinta se conta cómo Antoine, un francés, s'instala en una chicota aldeya gallega acompanyau por su muller Olga. Bien luego prencipia a tener friccions con dos chirmanos d'o lugar, Anta y Lorenzo, motivaus por o feito que los chirmanos quieren vender bellas propiedaz ta que se i instale un parque eolico, y Antoine se niega en estar un ecolochista convenciu. Os atros vecins d'o lugar, encara que no comparten as formas d'os chirmanos, tamién deseyan vender as suyas propiedaz a lo parque eolico, y ka parella francesa se troba cada vegada mas acosada, y marchan a denunciar os feitos a la Guardia Civil, pero en realidat no fan cosa y nomás li dicen que prebe de dialogar con os vecins d'o lugar. Bien luego Antoine decide grabar os acosos d'os chirmanos, que plegan a emponzonyar l'augua que fan servir ta regar as verduras d'o suyo huerto, pero ixo encara enaltera mas a los chirmanos, que menazan con un arma a la parella. Cuan muere lo solo vecino que tamién s'oponeba a lo parque y por contra lo suyo fillo y hereu l'accepta, la parella francesa se troba sola. Finalment, los chirmanos asasinan a Antoine, encara que iste ha amagau una camara y ha grabau lo suyo asasinato. Tanimientres, no se troban prebas d'o crimen, dica que un anyo dimpués Olga troba la camara, encara que con o dispositivo de grabación danyau.

A cinta s'ambienta en a suya epoca actual (2022) en bel puesto indeterminau de Galicia, y las suyas escenas se filmoron en o lugar de Quintela en o termin municipal de Barxas, en Ponferrada y Vilafranca del Bierzo (Leyón, Castiella y Leyón) y en Becerreá (Lugo, Galicia).

As bestas ye una cinta que ha recibiu cuantos premios y nominacions, en destacando entre éls nueu Premios Goya (Millor Cinta, Millor Dirección, Millor Guión Orichinal, Millor Actor, Millor Actor Segundario, Millor Fotografia, Millor Montache, Millor Musica Orichinal y Millor Soniu) y ueito nominacions (Millor Actriz, Millor Actor Segundario, Millor Actriz Segundaria, Millor Dirección Artistica, Millor Disenyo de Vestuario, Millor Maquillache y Peluquería, Millors Efectos Especials y Millor Dirección de Producción) en a suya 37^ena edición, un Premio César a la Millor Cinta Forana en a suya 48^ena edición y un Premio David de Donatello a la Millor Cinta Forana en a suya 69^ena edición.

Elenco

Actor	Papel	Notas
[[]]	'

Se veiga tamién

• Cine en 2022.
• Cintas de 2022.

Vinclos externos

• Se veigan as imáchens de Commons sobre As bestas.

Referencias

Premios Goya
Predecesor: El buen patrón	Premio Goya a la Millor Cinta 2023: 37ena edición	Succesor: Pendient

• Datos: Q108919489
• Multimedia: As bestas / Q108919489