Bundesstaat

E Charte mit de Bundesstaate

Dr Begriff Bundesstaat het im Föderalismus zwei verschiidnigi Bedütige: die vom e Bund vo Staate (Föderation) und die vom e Staat, won e Deil vom ene Bund isch.

Dr Bundesstaat as Gsamtstaat

In erster Linie wird under Bundesstaat dr föderali Gsamtstaat gmeint, e Staat, wo us eme Bund oder ere Union vo mehrere Gliidstaate zsämmegsetzt isch;

• Gegesatz: Gliidstaat (Deilstaat, wie öbbe Land, Bundesland oder Kanton), e Deil vo son eme Gsamtstaat mit eigener Staatlichkeit,
• Gegesatz: Eiheitsstaat, e Staat, wo d Undergliidrige von em kei eigeni Staatlichkeit hai,
• Gegesatz: Staatebund (Konföderation), e Verbindig vo mehrere Staate, wo d Verbindig, dr Staatebund, kei Staatlichkeit het.

Im Fall vo dr Bundesrepublik Dütschland, dr Republik Östriich und dr Schwiizerische Eidgenosseschaft wird d Bezeichnig „Bundesstaat“ meistens im Sinn vom föderale Gsamtstaat, bruucht – man redet denn vo «Bundesebeni», wo institutionalisierte Staatsorgan wie Bundesparlamänt oder Bundesgricht figuriere, wo hierarchisch de Gliidstaate übergordnet si.

Dr Bundesstaat as Gliidstaat vom ene Gsamtstaat

Andrersiits wird under Bundesstaat e föderalistische Gliidstaat as Deil vo som ene Gsamtstaat verstande;

• Gegesatz: Gsamtstaat (Bund, Union),
• Gegesatz: Gebiet, wo unmittelbar zum Bund ghört.

Im Fall vo de Vereinigte Staate vo Amerika und dr Republik Indie wird s Wort „Bundesstaat“ (state) im zweite Sinn bruucht, wie au für d Gliidstaate vom Dütsche Kaiserriich, wo denäbe au as Bundesgliider bezeichnet worde sin.

Für d Gliid- oder Deilstaate – bsundrigs wenn dr Begriff „Bundesstaat“ im erste Sinn bruucht wird – finde sich divärsi anderi Bezeichnige: Länder (Bundesländer), Kantön, Einzelstaate.

Lueg au

• Eiheitsstaat
• Staatebund

Literatur

• Karl Doehring: Allgemeine Staatslehre. 3. Auflage, C.F.Müller, Heidelberg 2004, § 6, Rn. 155–173 (S. 68–75).
• Ann L. Griffiths (Hrsg.): Handbook of Federal Countries. McGill-Queen’s University Press, Montreal 2005.
• Walter Haller, Alfred Kölz, Thomas Gächter: Allgemeines Staatsrecht. 5. Auflage, Nomos, Baden-Baden 2013, §§ 19–23, S. 154–191.
• Thomas O. Hueglin, Alan Fenna: Comparative Federalism. A Systematic Inquiry. 2. Auflage, University of Toronto Press, Toronto [u. a.] 2015.
• Hans Kristoferitsch: Vom Staatenbund zum Bundesstaat? Die Europäische Union im Vergleich mit den USA, Deutschland und der Schweiz. Springer, Wien 2007, ISBN 978-3-211-35201-4 (Diss. Univ. Wien). 
• Thomas Krumm: Föderale Staaten im Vergleich. Eine Einführung. Springer VS, Wiesbaden 2015, ISBN 978-3-658-04955-3.
• Burkhard Schöbener, Matthias Knauff: Allgemeine Staatslehre. 2. Auflage, C.H.Beck, München 2013, § 6, Rn. 5–22 (S. 256–262).
• Klaus Stern: Deutsches Staatsrecht. Band I, 2. Auflage, § 19, C.H.Beck, München 1984, ISBN 3-406-09372-8.
• Reinhold Zippelius: Allgemeine Staatslehre. 16. Auflage. C.H.Beck, München 2010, S. 311–318 (§ 39. Bundesstaaten und Staatenbünde). 

Nowiis

Dä Artikel basiert uff ere fräie Übersetzig vu dere Version vum Artikel „Bundesstaat“ vu de dütsche Wikipedia. E Liste vu de Autore un Versione isch do z finde.