Finno-ugrischi Sproche

Finno-ugrischi Sproche
Yordnig	Uralischi Sproche Finno-ugrischi Sproche
Undergruppe	Ugrischi Sproche Finnopermischi Sproche Samischi Sproche Ostseefinnischi Sproche
Sprächerzahl (gsamt)	ca. 25 Millione
Verbreitig	Ungarn Ungarn, Finnland Finnland, Eschtland Eschtland, Russland Russland, Norwegen Norwege, Schweden Schwede
Finno-ugrischi Völker

Di finno-ugrische Sproche ghöre mit de samojedische Sproche zu de uralische Sproche. Si glydere sich in e finnische und e ugrische Zwyg. Am bekannteste sin uss derre Sprochfamilie Finnisch, Estnisch und Ungarisch.

Gschicht

Herchunft vo de finno-ugrische Sproche isch de Ural. Dört isch um 4000 v. Chr. e Ursproch gschwätzt worre, wo sich deno uffgspalte hät: De finnisch Zwyg, also Finnisch, Estnisch usw. hän ihr Ursprung dört, wo si hütt gschwätzt werre. Ungarisch hät sich um 3000 v. Chr. vo-n-em abgspalte, was di große Underschyd zum Finnisch erchlärt. De Magyare-Stamm isch im 10. Johrhundert ins hüttig Ungarn gwandert.

Zur Situation hütt lüeg under #Verbreitig.

Glyderig und Liste

Ugrischi Sproche

• Ungarisch
• Obugrischi Sproche
  • Chantisch (Ostjakisch)
  • Mansisch (Wogulisch)

Finnopermischi Sproche

• Permischi Sproche
  • Komi
    • Komi-Syrjänisch
    • Komipermjakisch
  • Udmurtisch (Wotjakisch)
• Wolgafinnischi Sproche
  • Marischi Sproche
    • Mari (Tscheremissisch)
  • Mordwinischi Sproche
    • Ersjanisch
    • Mokschanisch
  • Usgstorbeni wolgafinnischi Sproche (d Position isch unchlar)
    • Merjanisch †
    • Muromisch †
    • Meschtscherisch †
  • Finnosamischi Sproche (Finnolappischi Sproche)
    • Samischi Sproche (Lappischi Sproche)
      • Westsamischi Sproche
        • Südsamisch
        • Umesamisch
        • Lulesamisch
        • Pitesamisch
        • Nordsamisch
      • Ostsamischi Sproche
        • Kemisamisch †
        • Inarisamisch
        • Akkalasamisch †
        • Kildinsamisch
        • Skoltsamisch
        • Tersamisch
    • Ostseefinnischi Sproche
      • Estnisch
      • Finnisch (inklusive Meänkieli bzw. Tornedalfinnisch, Kvenfinnisch bzw. Quänisch und Ingermanlandfinnisch)
      • Ischorisch (Ingrisch)
      • Karelisch
        • eigentligs Karelisch
        • Lüdisch
        • Olonetzisch
      • Livisch
      • Wepsisch
      • Võro (Võru; inklusive Seto bzw. Setu)
      • Wotisch

Verbreitig

Hauptsächligi Verbreitigsgebiet sin Zäntral- und Nordeuropa (Ungarn, Finnland, Estland). Usserdëm hät's z Russland vyli Sprochinsle.

Insgsamt werre di finno-ugrische Sproche vo öbbe 25 Millione Lüt gschwätzt. Ungarisch (öbbe d Hälfti) und Finnisch (fast e Viertel) sin dodevo die wo am witeste verbreitet sin, gfolgt vo Estnisch (ca. 1 Million Sprächer), Wotjakisch (500'000), Tscheremissisch (540'000), Komi-Syrjänisch (250'000), Komi-Permjakisch (100'000), Karelisch (65'000) und Lappisch (50'000-100'000). Vyli vo de andere hän under 1000 Sprächer und sin vom Ussterbe bedroht.

Ungarisch, Finnisch und Estnisch sin in de jewylige Länder Amtssproche. Lappisch isch im Norde vo Norwege, Schwede und Finnland als Amtssproch akzeptiert. Z Russland git's für Syrjänisch, Tscheremissisch, Mordwinisch, Wodjakisch und Karelisch Sprochgsetze, wo aber numme wenig umgsetzt werre.

Merchmol

• D Wortbildig erfolgt durch Agglutination, des heißt durch s Ahänke vo Suffix. Des fiehrt oft zu lange Wortkätte und zahlryche Fäll (z. B. 14 im Estnische, 15 im Finnische und Udmurtische und 23 im Ungarische).
• Sälli Suffix variiere nit noch em Gschlächt, sondern noch de Vokalharmony. Meistens bstönn d Wörter numme uss einer Sorte vo Vokal, also äntweder uss velare oder palatale.
• S Verb "ha" wird fast überall durch e Possessivsuffix umschrybe, genauso de Genitiv.

Yflüss vo andere Sproche

Di finno-ugrischi Ursproch hän scho di indoiranische Sproche (v. a. Arisch) beyflusst; nochdem si sich deno in verschydeni Sproche uffdeilt hät, hän sälli au vom Indoiranische Yfluss erfahre. Ei Deil vo-n-ne isch meh vom germanische beyflusst worre, de ander Deil vo de Turksproche.

Quälle

• EEO (Universität Klagefurt)
• MSN Encarta