iBet uBet web content aggregator. Adding the entire web to your favor.
iBet uBet web content aggregator. Adding the entire web to your favor.



Link to original content: http://als.wikipedia.org/wiki/Commonwealth_of_Nations
Commonwealth of Nations - Alemannische Wikipedia Zum Inhalt springen

Commonwealth of Nations

Links bearbeite
Us der alemannische Wikipedia, der freie Dialäkt-Enzyklopedy
Commonwealth of Nations

Flagge vom Commonwealth

Charte vo de Mitgliider vom Commonwealth
Änglische Name Commonwealth of Nations
Sitz vo de Organ London
Vorsitz Charles III. (Oberhaupt)
Paul Kagame (Vorsitzender)
Patricia Scotland (Generalsekretärin)
Mitglidstaate

54

Amts- un Arbetssproche Änglisch
Gründig 11. Dezämber 1931 (Statut vo Westminster)
28. April 1949 (Erklärig vo London)
www.thecommonwealth.org
D Mitgliider vom Commonwealth

S Commonwealth of Nations (bis 1947: British Commonwealth of Nations) isch e luggi Verbindig vo suveräne Staate, wo in erster Linie vom Veräinigte Königriich und däm siine ehemoolige Kolonie bildet wird.

Dr Begriff Commonwealth

[ändere | Quälltäxt bearbeite]

D Bezäichnig Commonwealth (ängl.: „Gmäinwohl“; wörtlig: „Gmäinsame Wohlstand“) stoht do für e freiwillige Bund vo unabhängige, suverääne Staate, wo gmäinsami Ziil häi oder sich zun ere bolitische Gmäinschaft wäi zämmeschliesse. Commonwealth läitet sich entstehigsgschichtlig us dr änglische Übersetzig vom latiinische res publica ab und wird dorum au mit dr Bedütig ‚Gmäinwäse‘ brucht (so mit Australie) oder au ‚Republik‘ (so mit Virginia, Pennsylvania). Dr Begriff Commonwealth stoht dorum in ere bestimmte staatsphilosophische Dradizion, au wenn er im Fall vom Commonwealth of Nations käi Staat, sondern nume e Form vo interguvernementaler Kooperation beschribt.

S Commonwealth of Nations

[ändere | Quälltäxt bearbeite]

S Commonwealth of Nations het zurzit (Stand Oktober 2013) 53 Mitgliidstaaten, vo dene si 16, die sogenannte Commonwealth Realms, in Personalunion verbunde. Formal si d Chroone vo de 16 Commonwealth Realms drennt, aber die britischi Monarchii isch die prominäntisti. Für zum die äigeni Suverenidät bedoone, bezäichnet mä sit de 1970er Joor z. B. z Kanada, Australie und Neuseeland s äigene Staatsoberhaupt nüm as die britischi Königin, sondern mä reedet offiziell vo dr Queen of Canada, Queen of Australia oder Queen of New Zealand.

Hüt läbe 29,4 Brozänt vo dr Wältbevölkerig (öbbe zwäi Milliarde Mensche) in Mitgliidstaate vom Commonwealth: Indie het under ne mit Abstand mit über 1,1 Milliarde Mensche am mäiste Iiwohner. Au Pakistan, Bangladesch und Nigeria häi alli e Bevölkerig vo meh as 100 Millione Mensche. Aber au Staate wie zum Bischbil d Inslegrubbe Tuvalu, wo nume öbbe 11.500 Mensche läbe, ghööre zum Bund.

In dr Braxis isch s eso, ass d Staate, wenn si zur Republik wärde, formell us em Bund usdräte. Denn stelle si äifach en Aadraag, wider ufgnoh z wärde, und d Ufnahm isch denn automatisch. D Republik Irland het noch em Usdritt käi Aadraag gstellt, zum wider ufgnoh wärde. Bis hüte isch dr Biidritt vo Irland zum Commonwealth e Thema in dr irische Bolitik.

S Commonwealth Office z London isch d Zentrale vom Staatebund. Wie bi dr UNO in New York schickt jede Mitgliidstaat ei Verdräter, sodass die ganz Zit Information cha usduscht wärde. Zuesätzlig dräffen sich d Staats- und Regierigschef vo de Commonwealth-Länder alli zwäi Joor zum ene äiwöchige Gipfeldräffe. Bi deen wird über wichdigi bolitischi und wirtschaftligi Frooge und über d Wältlaag diskutiert. Au über Sankzioone gege äinzelni Staate, wie zum Bischbil 2001 gege Simbabwe[1], wird do beschlosse. Am 22. Novämber 2007 het e Komitee vo de Usseminister beschlosse, Pakistan so lang vo de Sitzige uszschliesse, bis d Demokratii wider härgstellt sig und s Gsetz im Land wider wurd gälte.[2] Am 1. Septämber 2009 het dr Generalsekretär Kamalesh Sharma bekannt gee, ass Fidschi usgschlosse wurd, wil däm si Regierig sich gwäigeret het, d Demokratii noch em Putsch vo 2006 wider iizfüehre.[3] D Fidschi-Insle si scho im Juni 2000 us ähnlige Gründ vo dr Versammlig suspendiert worde.[4]

Dr Gipfel findet jedes Mol inm ene andere Mitgliidstaat statt und wird dradizionell vom britische Monarch, aktuell vo dr Elisabeth II., as Oberhaupt vom Commonwealth eröffnet. Ihri Rolle isch aber räin symbolisch, wäge wird e Generalsekretär vo de Regierigschef vo de Mitgliidstaate gwehlt, wo dr Commonwealth vo Daag zu Daag füehrt. Zurzit isch das dr Inder Kamalesh Sharma. Denn git s no en amtierende Vorsitzende vo dr Staategmäinschaft. Das isch dr Regierigschef vom Land, wo s Gipfeldräffe stattfindet; si Amtszit goht bis zum neggste Gipfel. Aktuell het d Premierministerin vo Trinidad und Tobago, d Kamla Persad-Bissessar die Position.

Mitgliider

[ändere | Quälltäxt bearbeite]

54 Staate si zur Zit Mitgliider[5] im Commonwealth of Nations (d Jooreszahle in Chlammere si s Biidrittsjoor):

 Lesotho (1966)

Darunter: Commonwealth Realms

[ändere | Quälltäxt bearbeite]

Ehemooligi Mitgliider

[ändere | Quälltäxt bearbeite]
  • Neufundland (1931, sit 1934 nüm en äigeständigs Dominion, sit 1949 Däil vo Kanada)
  • Gambia Gambia (1965, isch am 2. Oktober 2013 usdräte)
  • ItalienIrland Irland (1931, het dr Bund 1949 verloo)
  • Malaya FoderationFöderation Malaya Malaya (1957, isch 1963 Däil vo Malaysia worde)
  • Sansibar (1961, het sich 1964 mit Tanganjika zu Tansania zämmegschlosse)
  • TanganjikaTanganjika Tanganjika (1961, het sich 1964 mit Sansibar zu Tansania zämmegschlosse)
  • SimbabweSimbabwe Simbabwe (1980, isch am 7. Dezämber 2003 usdräte, nochdäm s sit em 20. März 2002 suspendiert gsi isch)

Litratur

[ändere | Quälltäxt bearbeite]
  • Claire Auplat: Les ONG du Commonwealth contemporain. Rôles, bilans et perspectives. L'Harmattan, Paris 2003.
  • John Darwin: A Third British Empire? The Dominion Idea in Imperial Politics. In: Judith M. Brown, Wm. Roger (Hrsg.): The Oxford History of the British Empire. Volume IV: The Twentieth Century. Oxford 1999, S. 64–87.
  • Hessel Duncan Hall: Commonwealth. A history of the British Commonwealth of Nations. Van Nostrand Reinhold, London u. a. 1971.
  • W.B. Hamilton u. a. (Hrsg.): A Decade of the Commonwealth 1955–1964. Durham/N.C. 1966.
  • Denis Judd, Peter Slinn: The Evolution of the Modern Commonwealth 1902-80. London 1982.
  • Nicolas Mansergh: Das Britische Commonwealth. Entstehung – Geschichte – Struktur. Zürich 1969.
  • Alex May (Hrsg.): Britain, the Commonwealth and Europe. The Commonwealth and Britain’s applications to join the European Communities. Basingstoke u. a. 2001.
  • K.C. Wheare: The Constitutional Structure of the Commonwealth. Oxford 1960.
  • Gerhard Altmann: Abschied vom Empire. Die innere Dekolonisation Großbritanniens 1945–1985. Göttingen 2005.

Weblingg

[ändere | Quälltäxt bearbeite]

Fuessnoote

[ändere | Quälltäxt bearbeite]
  1. ↑ Commonwealth schließt Simbabwe für ein Jahr aus. Handelsblatt, 19. März 2002, abgruefen am 29. November 2009.
  2. ↑ Commonwealth schließt Pakistan aus. welt.de, 22. November 2007, abgruefen Format invalid.
  3. ↑ Raus aus dem Club. Der Spiegel Online, 9. September 2009, abgruefen am 26. Januar 2010.
  4. ↑ Commonwealth schließt Fidschi von Versammlungen aus. Handelsblatt, 6. Juni 2000, abgruefen Format invalid.
  5. ↑ Member States. Commonwealth Secretariat, abgruefen am 26. Januar 2010.
Dä Artikel basiert uff ere fräie Übersetzig vum Artikel „Commonwealth_of_Nations“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Commonwealth_of_Nations&oldid=1059215"