Claudia Martin
| Dialäkt: Undermarkgreflerisch |
D Claudia Martin (* 21.Jänner 1970 z Annaberg-Buchholz) isch e dytschi Bolitikeri (bis 2016 AfD, syt 2017 CDU) un syt Merz 2016 Mitglid vum Landdag vu Bade-Wirttebärg
Lääbe
[ändere | Quälltäxt bearbeite]D Martin isch in dr Nechi vu Bautzen ufgwachse. Z Hochkirch isch si uf d Grund- un Realscuel gange un derno z Bautzen uf s Gimnasium. Noch em Abitur anne 1988 isch si uf di Sorbisch Fachschuel Sozialpedagogik un het 1994, en Abschluss as staatli anerkännti Erzieheri gmacht. No dr Lehr isch si uf Walldorf zoge un schafft dert syterhär in ere Chinderschuel (family & kids @ work UG).. Si isch gschide un het e Suhn.[1]
Bolitik
[ändere | Quälltäxt bearbeite]Anne 2013 isch d Martin in di nei Bartei Alternativ fir Dytschland (AfD) yydrätte un isch dert Sprächeri vum AfD-Chraisverband Rhy-Necker wore.
Bi dr Landdagswahl z Bade-Wirttebärg 2016 het si im Wahlchrais Wiesloch fir d AfD kandidert un 18,6 % iberchuu. Iber e Zwaitmandat isch si in Landdag yyzoge.[2]
Wu si di bade-wirttebärgisch AfD-Fraktion ufgspalte het,isch d Martin vu Juli bis Oktober 2016 Mitglid vu dr Fraktion Alternative für Baden-Württemberg gsii. Mitti Dezämber 2016 isch si us dr AfD un dr AfD-Landdagsfraktion uusdrätte, wel si dr rächtspopulistisch Kurs vu dr AfD nimiehet welle mitdrage.[3] As Grind het si dr „systemfeindlichen Oppositionskurs, Desinteresse an Sachpolitik in ihrer Fraktion, die starke Tendenz zu rechtsextremen Auffassungen innerhalb der Fraktion, den Verzicht auf politische Sacharbeit sowie die ständige und einseitige Skandalisierung des Flüchtlingsthemas“ aagee.[4] Si het au d Bildig vu „WhatsApp-Gruppen, mit denen bei der Aufstellung von Kandidaten für die Landesliste zur Bundestagswahl bestimmte Personen unterstützt“ wore seie, kritisiert.[5] Dr Fraktionsschef Jörg Meuthen het ere ne „hinterrücks vorbereitete Aktion für billige 15 Minuten Ruhm“ vorgworfe un het gmaint, villciht wär s besser gsii, wänn si „gleich für eine der linkspopulistischen Kartellparteien kandidiert hätte“.[6]
Im Oktober 2017 het si ne Aadrag uf Mitglidschaft in dr CDU gstellt.[7] Im Novämber 2017 isch si in d CDU ufgnuu wore[8] un zwoo Wuche speter au in d CDU-Fraktion.[9]
Im Landdag isch si Mitglid im Petitionsuusschuss, im Uusschuss fir Wirtschaft, Arbet un Wohnigsböu un im Uusschuss fir Sozials un Integration. Derzue isch si Stellverdrättend Mitglid im Uusschuss fir Europa un Internationals.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Landtagswahl: AfD-Kandidatin Martin hatte „nicht damit gerechnet“. In: Rhein-Neckar-Zeitung. 15. Merz 2016
- ↑ Statistisches Landesamt Baden-Württemberg: Gewählte Bewerber(innen) (Memento vom 1. Juni 2016 im Internet Archive).
- ↑ Markus Pfalzgraf: BW-Abgeordnete ist enttäuscht und tritt aus: AfD-Frau geht wegen Rechtspopulismus. In: SWR Aktuell. 17. Dezember 2016, abgruefen am 7. Juni 2017.
- ↑ Rüdiger Soldt: Abgeordnete verlässt AfD: „Krasser als die NPD“. In: Frankfurter Allgemeine Zeitung. 16. Dezember 2016, abgruefen am 7. Juni 2017.
- ↑ Wigbert Löer: Claudia Martin im stern: AfD-Frau verlässt Landtagsfraktion und kritisiert Parteichef Meuthen. In: stern.de. 16. Dezämber 2016
- ↑ Josef Kelnberger: Baden-Württemberg – Abgeordnete verlässt AfD: „Schlimmer als die Altparteien“. In: Süddeutsche Zeitung. 17. Dezämber 2016
- ↑ Ex-AfD-Abgeordnete beantragt CDU-Beitritt im Landtag Stuttgarter Nachrichten, 30. Oktober 2017
- ↑ Claudia Martin wird CDU-Mitglied SWR, 11. November 2017
- ↑ Ex-AfD-Abgeordnete kommt in CDU-Fraktion, SWR, 26. Novämber 2017.