Steytlerville
Steytlerville (ingesluit Vuyolwetho) | |
|---|---|
 Sarel Cilliersstraat in Steytlerville | |
  Steytlerville Steytlerville se ligging in Oos-Kaap | |
| Koördinate: 33°20′S 24°20′O / 33.333°S 24.333°O | |
| Land |  Suid-Afrika |
| Provinsie | Oos-Kaap |
| Distrik | Sarah Baartman |
| Munisipaliteit | Dr Beyers Naudé |
| Stigting | 1875 |
| Oppervlak | |
| • Totaal | 24,7 km2 (9,5 vk. myl) |
| Hoogte | 405 m (1 329 ft) |
| Bevolking (2011) | |
| • Totaal | 4 017 |
| • Digtheid | 163/km2 (420/vk. myl) |
| Rasverdeling (2011) | |
| • Wit mense | 5.3% |
| • Indiërs/Asiërs | 0.2% |
| • Bruin mense | 71.1% |
| • Swart mense | 22.8% |
| • Ander | 0.7% |
| Taal (2011) | |
| • Afrikaans | 80.1% |
| • Xhosa | 17.1% |
| • Engels | 1.4% |
| • Ander | 1.4% |
| Poskode (strate) | 6250 |
| Poskode (posbusse) | 6250 |
| Skakelkode | 049 |
Steytlerville is 'n dorp in die Oos-Kaap, wat op 10 Junie 1876 saam met die plaaslike gemeente van die Nederduitse Gereformeerde Kerk gestig is. Die dorp is genoem na ds. A.I. Steytler. Dit was een van slegs enkele dorpe in Suid-Afrika waar geen drank verkoop kon word nie.
Geskiedenis
[wysig | wysig bron]Die dorp het ontstaan in 1876 toe die NG gemeente Steytlerville gestig is op die plaas Doorschpoort. Die gemeente en dorp is vernoem na ds. A.I. Steytler, indertyd leraar van die NG gemeente Uitenhage. Die oorspronklike bedoeling was dat die dorp Steytlerwil sou heet na aanleiding van ds. Steytler se ysere wil wat alle struikelblokke te bowe gekom het in sy beywering vir afstigting, maar toe die gemeente op 10 Junie 1876 gestig is, was dit met die spelling soos dit vandag nog is.
Landbou
[wysig | wysig bron]Merinowol en sybokhaar is van die belangrikste produkte van die gebied.
Infrastruktuur
[wysig | wysig bron]Die R329-streekroete verbind Steytlerville met Willowmore in die weste en die R75-provinsiale pad in die ooste. Die Gamtoosrivier, hier nog bekend as die Grootrivier, vloei deur die dorp.
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 Som van die hoofplekke Steytlerville en Vuyolwetho tydens die 2011-sensus.
- Op Pad in Suid-Afrika. B.P.J. Erasmus. 1995. ISBN 1-86842-026-4
- Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
.svg)