Hessequa Plaaslike Munisipaliteit

Hessequa
Provinsie	Wes-Kaap
Distriksmunisipaliteit	Tuinroete
Tipe	Plaaslike Munisipaliteit
Munisipale kode	WC042
Burgemeester	Grant Riddles (DA)
Hoofstad	Riversdal
Grootste tale	Afrikaans, Engels, Xhosa
Area	5 733 km²
Bevolking	52 642 (2011)

Die Hessequa Plaaslike Munisipaliteit is een van die plaaslike munisipaliteite in die Tuinroete-distriksmunisipaliteit in die Wes-Kaap, Suid-Afrika. Dit is in 2000 as die Langeberg Plaaslike Munisipaliteit gestig, en het sy naam in 2005 verander. Die Breërivier/Wynland munisipaliteit het later die naam "Langeberg" oorgeneem.

Nedersettings

Nedersettings in die munisipaliteit

• Albertinia
• Askraal
• Brandrivier
• Gouritsmond
• Groot-Jongensfontein
• Heidelberg
• Port Beaufort
• Reisiesbaan
• Renier
• Riversdal (setel)
• Slangrivier
• Stilbaai met Stilbaai-Oos en Stilbaai-Wes
• Vermaaklikheid
• Witsand

Wapen

Die munisipaliteit gebruik 'n skynheraldiese "wapen" wat die volgende toon: 'n aalwyn (waarskynlik uit Heidelberg se voormalige dorpswapen), 'n ander plant, 'n bergreeks, 'n seiljag (waarskynlik uit Stilbaai se voormalige dorpswapen), golwende wit en blou dwarsbalke, en 'n ploeg. Bo die skild is 'n bokkop, en onder die skild die naam "Hessequa" (voorheen "Langeberg") op 'n krul.