Harry Kuitert

	Harry Kuitert
	Harry Kuitert in 1969
Geboortenaam	Harminus Martinus Harry Kuitert
Gebore	11 November 1924; Drachten, Nederland
Oorlede	8 September 2017 (op 92); Amstelveen, Nederland
Nasionaliteit	Nederland
Vakgebied	Teologie, etiek

Harminus Martinus (Harry) Kuitert (Drachten, 11 November 1924 – Amstelveen, 8 September 2017) was 'n Nederlandse teoloog en etikus, oorspronklik van die gereformeerde tradisie.

Lewensloop

Kuitert was predikant in Scharendijk (Schouwen-Duiveland, provinsie Zeeland) en studentepredikant in Amsterdam. In 1961 het hy aan die "Agtien" behoort, 'n groep van hervormde en gereformeerde predikante wat oproepe gedoen het tot die herstel van die skeurings in protestantse geledere in Nederland. In die jare 1967–1989 was hy hoogleraar in etiek en Inleiding tot Dogmatiek aan die Amsterdamse Vrye Universiteit.

Denke

Kuitert was 'n voorstander van die moderne teologie. In sy werk het hy van die stelling uitgegaan dat alles wat van God kom, tot ons deur die mens kom. Hiermee huldig hy eerder 'n sosiologiese as 'n teologiese beginsel dat godsdiens ook die Christelike geloof ’n menslike konstruksie is. Die Christendom word daarmee vir hom 'n tradisie waarbinne, met behulp van simbole, betekenis aan die lewe gegee word. Sodanige antropologiese teologie beskou dan ook die verskillende godsdienste as gelykwaardig aan mekaar.

Die oorspronklike omlyning van die Christelike geloof, soos dit vasgestel word deur die eerste konsilies en Kerkvaders, het vir Kuitert geen afdwingbare betekenis ingehou nie. Die kern van die Christelike boodskap in die Nuwe Testament, naamlik die lyding, sterwe en die opstanding van Jesus, was volgens Kuitert nie krities vir Christen-wees nie.

Hy het die ortodokse Christene (Oosters-Ortodoks, Rooms-Katoliek en Protestant) daarvan beskuldig dat hulle begrip van die Bybel oudmodies en uitgedien is, die kerke in Europa laat leegloop en die jeug hul rug op God laat draai. Hy het sy teologie by die denkende mens begin en nie by die sprekende God nie. Daarin was hy die groot teenpool van die Switserse teoloog Karl Barth.

Kuitert het nié geglo dat alles wat in die Die Bybel staan betekenisloos was nie, maar wel dat dit nié gestolde waarhede of feite of geskiedenis bevat het nie. Dit sou die mites, verhale en verbeelding wees van mense wat sin probeer maak het uit 'n lewe van chaos. Die groot fout wat Bybellesers sou maak, is om voorstellings as stellings te aanvaar.

Volgens Kluitert word mense aangespreek deur ander mense (in nood). Hierdie universele empatie en medelye, is die eintlike woord van God. 'n Ander dogma, wat deur Kuitert voorgestaan is, was die persoonlike God. God sou iets goddeliks word, 'n onbepaalde en vrymakende mag.

Publikasies

De spelers en het spel – Baarn
De mensvormigheid Gods – 1962 (proefskrif)
Verstaat gij wat gij leest ? Over de uitleg van de bijbel – Kampen 1968
Anders gezegd. Een verzameling theologische opstellen voor de welwillende lezer – Kampen 1974
Zonder geloof vaart niemand wel – 1974
Het algemeen betwijfeld christelijk geloof – Baarn 1992
Jezus, nalatenschap van het christendom – 1998
Over religie. Aan de liefhebbers onder haar beoefenaars – Baarn 2000
Schiften – 2004
Hetzelfde anders zien. Het christelijk geloof als verbeelding. – Kampen/Baarn 2005
De dood de baas. Gedichten belicht voor je begrafenis. – Kampen/Baarn 2007
Dat moet ik van mijn geloof - Godsdienst als troublemaker in het publieke domein. – Ten Have, Kampen 2008 (ISBN 9789025959418)
Alles behalve kennis – 2011
Kerk als constructiefout. De overlevering overleeft het wel. – Ten Have, Kampen 2014

Eksterne skakels

Wikimedia Commons het meer media in die kategorie Harry Kuitert.
(nl) Amptelike webwerf