Fergie
Fergie | |
|---|---|
 Fergie in Junie 2009 | |
| Agtergrondinligting | |
| Geboortenaam | Stacy Ann Ferguson |
| Gebore | 27 Maart 1975 Hacienda Heights, Kalifornië (VSA) |
| Genres | Hip hop, pop, R&B |
| Beroep(e) | Musikant, Liedjieskrywer, aktrise, TV-gasheer, mode-ontwerper |
| Instrumente | stem |
| Jare aktief | 1984 - hede |
| Etikette | A&M, will.i.am, Interscope[1] |
| Assosiasies | Wild Orchid, The Black Eyed Peas |
| Webwerf | www.fergie.com |
Stacy Ann Ferguson, beter bekend as slegs Fergie, is 'n Amerikaanse sangeres, liedjieskryfster, aktrise en kletsrymer. Sy is op 27 Maart 1975 in Hacienda Heights, Kalifornië, gebore. Daar het sy in 'n streng Katolieke huis grootgeword, maar het egter met bendelede in Hacienda Heights deurmekaar geraak. Sy het in die tagtigerjare in die TV-program Kids Incorporated verskyn. Sy was in die negentigs ook lid van die meisiegroep Wild Orchid. Hulle het twee albums uitgereik.
In 2003 het sy as hoofsanger van die musiekgroep Black Eyed Peas (BEP) aangesluit. Sy het die plek van die sangeres Kim Hill ingeneem wat die groep in 2000 verlaat het. In dieselfde jaar van haar aansluiting tot die groep, was hul album Elephunk 'n groot sukses met treffers soos Where is the Love? saam met Justin Timberlake, Hey Mama en Let's Get Retarded (gewysig vir radio na Let's Get it Started). Hul tweede album Monkey Business in 2005, was ewe suksesvol met treffers soos My Humps en Pump It.
Haar debuut-solo-album, The Dutchess, is in 2006 uitgereik. Hierop verskyn verskeie treffers wat nommer een op die trefferlyste behaal het, soos London Bridge, Fergalicious, Glamorous en Big Girls Don't Cry.
Persoonlike lewe
[wysig | wysig bron]Uit teleurstelling omdat haar eerste meisiesmusiekgroep Wild Orchid misluk het, het Fergie glo aan metamfetamien verslaaf geraak. Sy het egter die verslawing te bowe gekom en in 'n onderhoud met die tydskrif Time in September 2006 het sy gesê: "Dit was die moeilikste verhouding wat ek nog moes verbreek."
In die Februarie van 2007 het sy 'n verhouding met die akteur Josh Duhamel aangeknoop. Fergie het hom ontmoet toe sy in 2004 in 'n episode van die TV-reeks Las Vegas as haarself verskyn het.
Bronne
[wysig | wysig bron]- Huisgenoot van 4 Oktober 2007
Verwysings
[wysig | wysig bron]- ↑ "Fergie with Interscope Records" (in Engels). Interscope. Geargiveer vanaf die oorspronklike op 13 April 2016. Besoek op 9 November 2013.
