Danie Craven-stadion
Die Danie Craven-stadion is 'n veeldoelige sportstadion op Coetzenburg in Stellenbosch, Suid-Afrika. Dit is deel van die Universiteit Stellenbosch se sportfasiliteite. Die stadion is vernoem na rugbylegende en Springbokskrumskakel Danie Craven. Die stadion kan 16 000 toeskouers huisves en is in 1979 gebou. Dit is langs die Coetzenburg-stadion geleë.
| Danie Craven-stadion | ||
| Ligging | Stellenbosch | |
|---|---|---|
| Koördinate | 33°56′24″S 18°52′25″O / 33.94000°S 18.87361°O | |
| Eienaar | Universiteit Stellenbosch | |
| Kapasiteit | 16 000 | |
| Oppervlak | Gras | |
| Konstruksie | ||
| Gebou | 1979 | |
| Huurders | ||
Die Danie Craven-stadion word tans hoofsaaklik vir rugbywedstryde gebruik. Tydens die Rugbywêreldbeker 1995 was dit gasheer vir die wedstryd tussen Australië en Roemenië.
Die stadion was ook die gasheer vir die Touch Voetbalwêreldbeker 2007 toe Australië aanspraak gemaak het op die titel as wêreldkampioene vir nog 4 jaar.
Oor die geskiedenis van die FNB Varsitybeker, 'n plaaslike universiteiterugbytoernooi, is vele wedstryde by die stadion gespeel. In die drie jaar van 2008–2010 is die eindstryde ook by die stadion beslis. In 2008 is die eindstryd tussen Maties (Universiteit van Stellenbosch) en die Ikey Tigers (Universiteit van Kaapstad) gespeel en in 2009 tussen Maties en die Pukke (Noordwes-Universiteit). In 2010 is die eindstryd weer tussen die Maties en die Ikey Tigers beslis. Die Maties het al drie toernooie gewen.
Die Bolandkrieketspan speel ook van sy wedstryde by die stadion.
Wedstryde
wysigRugbywêreldbeker 1995
wysig- Die hoofartikel vir hierdie afdeling is: Rugbywêreldbeker 1995.
| Datum | Span 1 | Telling | Span 2 | Rondte |
|---|---|---|---|---|
| 3 Junie 1995 |  Australië |
42–3 |  Roemenië |
Groep A |
Sien ook
wysigEksterne skakels
wysig| Hierdie artikel is in sy geheel of gedeeltelik vanuit die Engelse Wikipedia vertaal. |
