Studio Ghibli

Studio Ghibli Inc.

Turi	animatsiya studiyasi[1]
Egasi	Tokuma Shoten va Nippon Television
Qachon asos solingan	15-iyun, 1985-yil (39 yil avval) (1985-06-15) Tokio, Yaponiya
Hududiy xizmati	Dunyo boʻylab
Asoschi(lari)	Hayao Miyazaki Toshio Suzuki Isao Takahata
Mahsulot(lar)i	anime, telefilmlar, reklama roliklari
Boyligi	15.77 milliard yen (2011)
Ishchilar soni	182 (2021)
Shoʻba korxonalari	Studio Kajino
Vebsayti	ghibli.jp

Studio Ghibli Inc. (yaponcha: 株式会社スタジオジブリ Kabushiki-gaisha Sutajio Jiburi^?)^[2] — asosiy binosi Tokioning Koganei shahrida joylashgan yapon animatsiya studiyasi. Studiya oʻzining animatsion badiiy filmlari bilan mashhur boʻlib, shuningdek, bir nechta qisqa metrajli filmlar, reklamalar va ikkita telefilm ishlab chiqargan. Studiyaning ramzi Totoro nomli personaj hisoblanib, 1988-yilda „Mening qoʻshnim Totoro“ anime filmidagi mushuklardan ilhomlanib yaratilgan ulkan ruhdir. Studiyaning eng yuqori daromad keltirgan filmlariga „Ruhlar olami“ (2001), „Howl's Moving Castle“ (2004) va „Qoyadagi baliqcha Ponyo“ (2008) kiradi. Studiya 1985-yil 15-iyunda rejissyorlar Hayao Miyazaki va Isao Takahata hamda prodyuser Toshio Suzuki tomonidan Topcraft studiyasida yaratilgan „Nausicaä of the Wind“ (1984) muvaffaqiyatli animesidan soʻng tashkil etilgan.

Studiyaning beshta filmi eng ko‘p daromad keltirgan o‘nta yapon animelari roʻyhatidan joy olgan. „Ruhlar olami“ ikkinchi oʻrinda bo'lib, Yaponiyada 31,68 milliard yen va butun dunyo boʻylab 380 million AQSH dollaridan ortiq daromad keltirgan; Princess Mononoke esa 20,18 milliard yen bilan, to‘rtinchi o‘rinni egallagan. Studiyaning koʻplab asarlari Animage Gran-pri mukofotiga sazovor boʻlgan. Studiyaning beshta filmi Oscar mukofotiga nomzod boʻlgan. „Ruhlar olami“ filmi 2002 yilda „Golden Bear“ va 2003-yilda „Eng yaxshi animatsion film uchun Akademiya mukofoti“ ga sazovor boʻlgan^[3].