Yuba Wis Sin

Iɣ ur igi wad amgrad lli tsiggilt, kcm s tasna n Yuba bac ad tẓrt akkʷ imgradn nna dar illa yism zun d wad !

Yuba II
ⵢⵓⴱⴰ ⵡⵉⵙⵙⵉⵏ - Ἰóβας
Asfris n Yuba 2
Tudrt nns
Talallit	42 D.T, Ɛnnaba
Tamazirt	Tagldit n Muṛiṭanya
Tamttant	23 Ḍ.T
Tawuri	Agllid
Idlisn	Asamu n Libika
Tawja nns
Tamɣart	Kliyupatra Silini 2
Arraw	Bṭulimyus

Ikka tt inn Yuba Wis Sin nɣ Yuba 2 (s tlatint: IUBA; s tgrikt taqburt: Ἰóβας, Ἰóβα nɣ Ἰούβας^[1]; Iddr gr 48 dat tlalit n Ɛisa - 23 ḍaṛt talalit n Ɛisa) iga agllid n tglditin timaziɣin tiqburin Mawritanya d Numidya ḍaṛt n babas u numidya Yuba amzwaru. Ɣ tsga n unbaḍ nns bahra imursn, ikka tt inn iga yan umassan d umara bahra ittuzrakn ɣ uzmz nns. Tamɣrat nns tamzwarut tga tt Klyupatra Silini Tiss Snat, illis n tgllidt tamiẓṛit Klyupatra Tiss Sat n Miẓra Tapṭulmt.

Iga Yuba wis sin agldun amaziɣ zɣ Numidya. Ig waḥdu t arraw n ugllid Yuba Amzwaru; tamagit n innas ur tettyussan. Ɣ usggʷas wis 46 DƐ, innra Yulyus Kaysar babas (ɣ Tapsus), tdwl ilmma Numidya ddaw unbaḍ aṛuman arusrid ɣ 40 DƐ^[1]. Baba s ikka tt inn iga tuṛfa d ujiniṛal Pompey.

Mnnaw n imẓlayn itrarn ar ttinin mas rad ig uwtay nns lliɣ inra Kaysar ɣ 46 D.Ɛ. kra n kkuẓ nɣ ṣḍiṣ isggʷasn, hiya rad ilul gr 52 d 50 DƐ. Ɣ tsga yaḍn, anmzray "Duane Roller", ur iflis s maya. Roller yanni is ilul ɣ usggʷas n 48 D.Ɛ. acku irm lli ittusmrasn ɣ wawal fllas ɣ Tgrikt Taqburt brefos isnamk taslmya. Irm i wazzan gr 4 d 6 n isggʷasn iga t pias lli ur ssmrisn i Yuba ɣ isugam ann. Ayann a f ar isrus Roller awtay n Yuba 2 lliɣ iṛẓa ibabas gr sin yirn d sin isggʷasn, aylli anɣ yakkan asakud n tlalit gr 48 d 46 DƐ^[2].

Yiwi Yulyus Kaysar Yuba wis sin s Ṛuma. Ɣinn a ɣ ilmd tutlayt talatint d Tgrikt taqburt, innṛumn, tettyufka as tɣlnawt taṛumant^[1]. S tuggʷas mqqurnin lli iskar ɣ tɣri nns, nnan fllas mas iga yan sɣ inmuran akkʷ iɣran ɣ Ṛuma ɣ uzmz ann. Lliɣ ilkm 20 n isggʷasn yara adlis nns amzwaru s uzwl "Roman Archaeology"^[1]. Issnkr t id Yulyus Kaysar, ilmma ayyaw nns Uktawyan (Lli rad ig amnkad Awgustus). Lliɣ ittimɣur, Imun Yuba 2 d Uktawyan ɣ mnnaw imciṛṛiyn, ilmd zgisnt kigan f manmk rad ig anssixf. Immaɣ ɣ tsga n Uktawyan ɣ Imiɣ n Aktyum.

Ɣ 30 DƐ, irar t Uktawyan am ugllid n Numidya^[3][4]. Tg ilmma Numidya Tuṛfa n Ṛuma. Ḥaqqan aya iga tayafut n twisi nns i Awgustus ɣ imzizzl nns ɣ Hispanya. Isastwa as itihal nns d Klyupatra Silini gr 26 DƐ d 20 DƐ, ifk as yat trzzift, iskr gis tagllidt^[5]. Ɣ 25 DƐ, tsskcm Ṛuma Numidya (s uslid n Numidya Tutrimt) ddaw n unbaḍ nns usrid, yamẓ ilmma Yuba 2 Mawritanya am tgldit nns^[3].

Zzɣ aylli aɣ ittals Strabu, tnbḍ Ṛuma tagldit nns s tmamkt tusridt (gr 33 DƐ - 25 DƐ) ḍaṛt n tmttant n ugllid amawritan Bukkus Wiss Sin lli tt inn ikkan iga tuṛfa n Iṛumiyn, ilmma ifk tt Awgustus i Yuba 2 ɣ 25 DƐ^[6]. Lliɣ immuti Yuba 2 d Klyupatra Silini s Mawritanya, smman tamaẓunt nnsn tamaynut Kaysarya (Crcel tatrart) f wudm n Awgustus. Tuṣkawin ɣ "Kaysaria" d "Walili" (Volubilis) da mmalnt yan usrks gr tmsdagt Tamiẓrit, Tagrikt d Tṛumiyt.

Ittyunna mas tt inn tkka Klyupatra teṭṭaf afus f tsrtit n Yuba 2. Yuba issbɣs, isnal i tẓuṛi, asiggl amassan d usiggl g umzruy agaman. Yuba isnal ula i tsbbabt tawmuritant. Tkka tt inn tgldit n Mawritanya tla atig amqqran i tmnkda taṛumiyt. Tkcm tkka tt inn tsala tasbbabt d kraygat mani ɣ yill agraklan, slawan akkʷ d Sbanya ula Ṭṭalyan.

• Itihal nns amzwaru illa d tgldunt tagrikt tabṭulmayt Klyupatra Silini Tiss Snat (40 DƐ - 6 ḌƐ). Tarwa nnsn d wi:
  • Pṭulimi n Mawritanya, ilul g dar 10 DƐ/ 5 DƐ^[7].
  • Yat tfruxt nna mi ur ittwassan ism, tettubdar ɣ yan uzmmem (nnqc). Illa mad innan mas tga Drusill n Mawritanya, macc tẓḍar ad tg awd tayyawt nnsn. Drusilla tettyaglam am tayyawt n Anṭuny d Klyupatra, nɣ d akkʷ is tga tayyawt n Pṭulimy n Mawritanya^[7].

• Itihal wis sin d Glafyra (Glaphyra) lli igan yat tgldunt zɣ Kappadukiya (Cappadocia). Tagldunt a tga tadgalt n Aliksandr u Hirudut Axatar (Herod the Great). Aliksandr ad ittyunɣa acku ufan t inn idra ɣ kra n unguz mgal baba s. Ttahl Glafyra s Yuba ɣ 6 nɣ 7 ḌƐ. Tili gis ilmma tayr n Hiṛud Arkilaws (Herod Archelaus) lli igan warran yaḍn n Hirud Axatar d unssixf n Judiya. Tṛẓm Glafyra i Yuba bac ad t ttahl ɣ usggʷas 7 ḌƐ. Yuba ur iṭṭif tarwa d Glafyra

Yara Yuba mnnnaw n idlisn s Tgrikt f umzruy, amzruy amagan, tarakalt, tajṛṛumt, takʷlut d umzgun. Iskr yan usmzazal gr tmrsal tigrikin d tṛumiyin s uzwl Όμοιότητες (Resemblances)^[8]. Amanar nns s Arabya idwl adlis akkʷ inzzan ɣ Ṛuma. Ɣar kra n igzzumn imẓẓiyn sg twuri nns ad aɣ d ilkmn.

Mrawt twuriwin n Yuba ad ittyussann, maccan llan ɣar kra n igzzumn zgisn:

• Roman Archaeology, sin ildisn^[9].
• Resemblances, ɣ kkuẓ idlisn iɣ idrus^[9].
• On Painting, ɣ tam idlisn iɣ idrus^[9].
• Theatrical History, ɣ sa d mraw n idlisn iɣ idrus^[9].
• The Wanderings of Hanno, iẓḍar ad ig asuɣl n umuddu n Ḥanno^[9].
• On Euphorbion, a pamphlet^[9].
• Libyka, ɣ kraḍ idlisn iɣ idrus.^[9].
• On Arabia, wad waḥdu t ad yara s tutlayt talatint^[10].
• On Assyria, ɣ sin idlisn^[9].
• Epigrams, ibdr d zgis Atinyus (Athenaeus) sḍis n izrirn lli fllas nssn^[9].

• (fr) Charlier Berthier, Le sanctuaire punique d'El hofra à Constantine, édition Fournier, 1844.
• (fr) Mouloud Gaid, Aguellids et Romains en Berbérie, éditions SNED, Alger, 1972.
• (fr) Stéphane Gsell, Histoire de l'Afrique du Nord, édition Hachette, 1920.
• (fr) Josiane Lahlou, Moi, Juba roi de Maurétanie, Paris-Méditerranée, 1999, ISBN 2-84272-059-8. (Amzruy Aṛuman)
• (fr) Jean Mazard, Corpus Numérum Mauretanieque, Arts et Métiers graphiques, 1955.

1. ↑ ^{1,0 1,1 1,2} et ^1,3 Roller, Duane W. (2003) The World of Juba II and Kleopatra Selene "Routledge (UK)". pp. 1–3. (ISBN 0-415-30596-9) .
2. ↑ Roller, Duane W. (2003) The World of Juba II and Kleopatra Selene "Routledge (UK)". p. 59. (ISBN 0-415-30596-9) .
3. ↑ ^3,0 et ^3,1 Pomponius Mela; Frank E. Romer (1998). Pomponius Mela's Description of the World. University of Michigan Press. p. 43. (ISBN 0-472-08452-6). https://books.google.com/books?id=6AplSod8IDcC&pg=PA43. 
4. ↑ Michael Gagarin (2010). The Oxford Encyclopedia of Ancient Greece and Rome. Oxford University Press. p. 80. (ISBN 978-0-19-517072-6). https://books.google.com/books?id=lNV6-HsUppsC&pg=RA4-PA80. 
5. ↑ Roller, Duane W. (2003) The World of Juba II and Kleopatra Selene Routledge (UK)(ISBN 0-415-30596-9) p. 74
6. ↑ Geography n Strabu (Strab. 17.3)
7. ↑ ^7,0 et ^7,1 Cleopatra Selene Archived 2016-03-03 at the Wayback Machine by Chris Bennett
8. ↑ F Jacoby, Realencyclopädie der Classischen Altertumswissenschaft, 1916, s.v.
9. ↑ ^{9,0 9,1 9,2 9,3 9,4 9,5 9,6 9,7} et ^9,8 Duane W. Roller, The World of Juba II and Kleopatra Selene (Routledge, 2003), pp. 61–63. (ISBN 0-415-30596-9) .
10. ↑ Duane W. Roller, The World of Juba II and Kleopatra Selene (Routledge, 2003), p. 165. (ISBN 0-415-30596-9) .

	Igllidn Imaziɣn
Taglda n Imassiliyn (ar 202 a.C.) Aylimas  (...) Naravas (...) Sifaks · Vermina · Archobarzane Taglda n Imassesiliyn (ar 202 a.C.) Zlalsn · Gaya · Esalce · Capussa · Lacumace · Masinissa Numidya imun (202 a.C. - 46 a.C.) Masinissa · Micipsa · Gulussa · Mastanabale · Adherbal · Iempsale I · Yugrtn · Gauda · Iempsale II · Yuba I Taglda n Mauritanya d Numidya (30 a.C. - 40 d.C.) Yuba II · Tulumyu n Mauritanya Igldan d Tigldiyin imaziɣn (40 t.ε - 600 t.ε) Dihya · Aksil · Tin Hinan