Union Navy

An Union Navy a oa anv an United States Navy (USN) e-pad Brezel diabarzh Stadoù-Unanet Amerika. Enebet e oa ouzh C'honfederate States Navy (CSN). Da ziwall a zo rak implijet e vez an anv Union Navy a-wechoù evit ar bigi-brezel a oa war ar stêrioù, tra ma oa ar re-se dindan urzhioù ha sujidigezh an United States Army, anvet Union Army, e-pad ar brezel diabarzh.

Stadoù Kengevreet Amerika a wele soudarded an Unaniezh evel tud a-du gant dieubidigezh ar sklaved. Graet e veze abolitionists anezho. An U.S. Navy o vezañ ul lod eus lu an Unaniezh a oa lesanvet an "Abolition fleet" hag an tirlu (U.S. Army) a veze graet an "Abolition forces" anezhi.

Kefridioù diazez an USN a oa:

1. Derc'hel ar blokus war porzhioù ar Su o talañ ouzh an holl bigi "torrer blokus". Ar blokus a oa bet kemenet gant ar prezidant Abraham Lincoln adal an 19 a viz Ebrel 1861 hag a voe kendalc'het betek fin ar brezel diabarzh.
2. Talañ en emgann bigi-brezel ar CSN.
3. Degas ar brezel betek an douaroù a oa dibosubl da dizhout gant an Union Army, met a veze tu tizhout dre ar mor.
4. Harpañ an Union Army o tegas un harp-tan kement hag un dezougen bliv ha sikour ar c'helaouiñ brezel war ar stêrioù.

Pa voe kroget ar brezel diabarzh e oa truezus stad an Union Navy: 42 bag "prest d'ar stourm". 48 all degemeret hag enrolet evel prest d'ar servij adal ar mare ma vefe bourzhidi a-walc'h gourdonet. Un nebeut-tre anezho a oa prest en gwirionez dreist-holl da geñver an implij a vefe ezhomm anezho. Darn ar bigi-se a oa reoù trevour, evit ul lod anezho e oant kozh betek-re, unan anezho (USS Michigan) a oa war al lenn Lake Erie ha ne c'helle ket bezañ fiñvet betek ar mor.

Aozadur renkoù ofiserien an Union Navy
Amiral	Besamiral	Rear admiral	Commodore	Kabiten	Urzhier	Letanant Urzhier	Letanant	Mestr	Asagn