Provincia de Zamora

Provincia de Zamora

Localización
41°45′N 6°00′O / 41.75, -6
Estado	España
Comunidade autónoma	Castela e León
Capital	Zamora
Poboación
Poboación	174.544 (2018) (16,53 hab./km²)
Lingua usada	lingua asturiana lingua castelá
Xeografía
Superficie	10.559 km²
Punto máis alto	Pena Trevinca (2.127 m)
Comparte fronteira con	provincia de Salamanca provincia de Ourense provincia de León provincia de Valladolid Distrito de Braganza
Organización política
Órgano executivo	Deputación de Zamora
Identificador descritivo
Código postal	49
Fuso horario	UTC+01:00
ISO 3166-2	ES-ZA
Código NUTS	ES419
Código INE	49
Páxina web	diputaciondezamora.es

A provincia de Zamora é unha provincia española integrada actualmente na Comunidade Autónoma de Castela e León e cuxo territorio pertenceu antigamente ao Reino de León.

O territorio da provincia de Zamora abarca 10.559 km² e conta con 174.544 habitantes no 2018. Trátase dunha poboación fortemente envellecida e en clara regresión demográfica. Os seus principais núcleos de poboación son Zamora (capital da provincia), Benavente e Toro. Outras localidades, cabezas de partido xudicial xunto coas anteriores, son: Villalpando, Pobra de Seabra e Alcañices.

A provincia nace como tal co establecemento da División territorial de España en 1833, sendo adscrita á rexión do Reino de León. Parte dos seus territorios antes formaban parte doutras provincias como a de Valladolid e a extinta provincia de Toro.

As comarcas da provincia son:

• Seabra.
• La Carballeda.
• Benavente y Los Valles.
• Tierra de Campos.
• Aliste.
• Tierra de Alba.
• Tierra de Tábara.
• Tierra del Pan.
• Sayago.
• Tierra del Vino.
• Alfoz de Toro.
• La Guareña.

Os municipios da provincia están agrupados nas seguintes mancomunidades:

• Mancomunidade de Alta Seabra
• Mancomunidad Sayagua
• Mancomunidad Intermunicipal del Raso de Villalpando
• Mancomunidad de la Tierra de Campos
• Mancomunidad del Norte-Duero
• Mancomunidad de la Tierra de Campos-Pan-Lampreana
• Mancomunidad del Valle del Tera
• Mancomunidad del Valle del Esla
• Mancomunidad de Valverde
• Mancomunidad de la Tierra del Vino
• Mancomunidad de Sanabria-Carballeda
• Mancomunidad de Órbigo-Eria
• Mancomunidad Tierra del Pan
• Mancomunidad de La Guareña
• Mancomunidad de las Tierras de Aliste
• Mancomunidad de la Tierra de Tábara
• Mancomunidad de Benavente y Comarca
• Mancomunidad del Lago de Sanabria

A provincia limita coas seguintes provincias: ao norte e sur coas provincias de León e Salamanca respectivamente , ao Leste coa Valladolid, e ao oeste coa galega Ourense e tamén co distrito portugués de Braganza.

Comprendida na submeseta norte, o seu territorio presenta numerosos contrastes. Destaca unha zona montañosa ao norte, parte dos Montes de León, con alturas que chegan aos 2.127 m (Pena Trevinca). Na zona occidental da provincia, a Serra de La Culebra rexistra alturas de ata 1.243m (Pena Mira) e acolle no seu seo a Reserva Nacional de Caza do seu mesmo nome, con importantes poboacións de lobo ibérico (as máis significativas da península), cervos e xabaríns, entre outros. Ao SO da provincia o río Douro discorre encaxonado nunha garganta denominada Las Arribes del Duero con desniveis de ata 200 m, constituíndo unha fronteira natural con Portugal. A zona centro, leste e sur presenta a típica chaira meseteña.

A hidrografía provincial está fortemente marcada polo Douro, que a atravesa de leste a oeste, e os seus afluentes: Valderaduey, Esla, Órbigo, Teira, Cea, Aliste, (estes 4 últimos afluentes do Esla), Guareña, Tormes. A excepción constitúea o río Bibei, afluente do Sil, que discorre pola zona máis noroccidental da provincia. As augas do Douro, do Teira, do Esla, do Bibei e do Tormes foron embalsadas ao longo do seu curso pola provincia para aproveitamento hidroeléctrico, sendo os encoros de maior capacidade o de Almendra no Tormes e o de Ricobayo no Esla. De particular interese son o Lago de Sanabria, o maior da península de orixe glaciar e as Lagoas de Villafáfila, de carácter estepario, con importantes concentracións de aves en determinadas épocas do ano.

Existen augas mineiro-medicinais nas vilas de Almeida, Ribadelago (Bouzas) e Calabor.

O idioma predominante é o castelán, mais tamén se conserva o leonés en zonas como Sanabria^[1], Benavente^[2], Aliste,^[3], Sayago^[4]. O seu arraigo é maior canto máis ao noroeste e máis disperso canto máis ao sur e leste ^[5] Nos vales do Tuela e o Bibei fálase galego (concellos de Porto, Hermisende, Pías, Lubián), onde ten cotas de emprego superiores ao 95%^[6][7].

Wikimedia Commons ten máis contidos multimedia na categoría:  Provincia de Zamora

• Lista de concellos de Zamora
• Galego exterior

• Zamora Turismo