Matt Damon

Matt Damon

Biografía
Nacemento	(en) Matthew Paige Damon 8 de outubro de 1970 (54 anos) Cambridge, Estados Unidos de América
Residencia	Os Ánxeles
Grupo étnico	Británico-estadounidense, Finnish Americans (en) , sueco-estadounidense e Norwegian Americans (en)
Educación	Universidade Harvard Cambridge Rindge and Latin School (en)
Altura	1,78 m
Actividade
Ocupación	actor de cinema, actor, produtor de televisión, produtor, actor de dobraxe, produtor de cinema, escritor, guionista, actor de televisión
Período de actividade	1988 -
Partido político	Partido Demócrata
Membro de	SAG-AFTRA (pt) Writers Guild of America, West
Compañeiro profesional	Ben Affleck: Ben Affleck and Matt Damon (en)
Participou en
17 de xaneiro de 2017	Encontro Anual do Foro Económico Mundial de 2017
22 de xaneiro de 2014	Encontro Anual do Fórum Económico Mundial de 2014
Familia
Cónxuxe	Luciana Bozán Barroso (2005–)
Pais	Kent Telfer Damon   e Nancy June Carlsson Page
Premios
(2006)  Satellite Award for Best Cast – Motion Picture (en) , premiado polo traballo Infiltrados (1996)  Óscar ó mellor guión orixinal, premiado polo traballo Good Will Hunting  estrela no Paseo da Fama de Hollywood
Sinatura
Voz: Matt Damon (lingua inglesa)
Descrito pola fonte	Obálky knih,

Matthew Paige "Matt" Damon, nado en Cambridge (Massachusetts) o 8 de outubro de 1970, é un actor, guionista e produtor de cine estadounidense. Foi gañador do Oscar ó mellor guión orixinal por Good Will Hunting e nomeado ó Oscar ó mellor actor polo mesmo filme.

Matt Damon é fillo de Kent Telfer Damon, un axente inmobiliario e corredor de accións, e Nancy Carlsson-Paige, mestra de educación infantil e na Universidade de Lesley.

Estudou na Cambridge Rindge and Latin School na súa cidade natal, onde fixo amizade cun veciño e tamén alumno desta escola, Ben Affleck, que comparten o mesmo soño de se converter en actor de cine. Finalmente, xuntos protagonizaron e escribiron o guión para o filme Good Will Hunting. Formouse en 1988 e comezou a estudar na Universidade Harvard, pero non rematou os estudos porque comezou cos seus primeiros traballos como actor.

A súa carreira iniciouse tralo éxito do filme Good Will Hunting (1997), cun guión que escribiu co seu amigo Ben Affleck. Ámbolos dous gañaron o Óscar ó mellor guión orixinal e o Globo de Ouro ó mellor guión polo seu traballo. Por outra banda, Damon obtivo múltiples nomeamentos ó mellor actor, incluíndo o Premio da Academia.

Dende entón, protagonizou filmes de grande éxito comercial, como Saving Private Ryan (1998), The Bourne Identity (2002), The Bourne Supremacy (2004), The Bourne Ultimatum (2007), Syriana (2005), The Good Shepherd (2006), e Infiltrados (2006).

Tamén acadou un nomeamento ós Globos de Ouro por interpretar o personaxe principal en The Talented Mr. Ripley (1999) e foi nomeado a un Premio da Academia por mellor actor secundario en Invictus (2009). É considerado como un dos corenta mellores actores de cine de tódolos tempos.

O 25 de xullo de 2007, Damon recibiu unha estrela no Paseo da Fama de Hollywood e foi nomeado como o home máis sexy vivo pola revista People. Damon está moi involucrado no traballo humanitario, incluíndo proxectos como ONE Campaign, H2O Africa Foundation, e Water.org.

Damon estivo saíndo con Minnie Driver, a súa compañeira en Good Will Hunting. Despois diso, tivo unha relación de dous anos coa actriz Winona Ryder. Dende o ano 2001 ó 2003, saíu con Odessa Whitmire, a ex-asistente persoal de Billy Bob Thornton e Ben Affleck.

Damon está casado coa arxentina Luciana Bozán Barroso, a quen coñeceu en Miami mentres participaba no filme Stuck on You. A parella ten tres fillas; Isabella, Gia Zavala Damon e Stella Zavala Damon. Luciana Barroso tiña outra filla chamada Alexia do seu primeiro casamento, que tamén foi adoptada por el. Dende o ano 2010, a familia vive en Manhattan.

Damon é seareiro declarado dos Boston Red Sox. Despois de que o equipo gañase a World Series do 2007 relatou o lanzamento do DVD conmemorativo do evento.

Premios Oscar

Premios Globo de Ouro

Premios BAFTA

Premios do Sindicato de Actores

Wikimedia Commons ten máis contidos multimedia na categoría:  Matt Damon

• Yahoo! Movies (en inglés)
• People.com (en inglés)
• Moviefone (en inglés)
• Blog de novas e fotos de Matt Damon (en inglés)