Lado

Lado
Data
Sumber dari	Mirchi (en)

Lado (bahaso Indonesia: cabai, bahaso Inggirih: chili pepper, dari bahaso Nahuatl: chilli) adolah buah jo tumbuahan dari genus Capsicum, nan marupoan anggota dari kaluargo terung-terungan atau Solanaceae.^[1] Asa-mulo lado adolah dari benua Amerika.^[2] Kini ko India adolah nagara produsen, konsumen, jo eksportir lado nan tagadang di dunia.^[3]

Riset taakia manunjuakan baso lado patamo kali didomestikasikan di Meksiko labiah dari 6.000 taun nan lalu, di wilayah nan tabantang antaro Puebla selatan dan Oaxaca utara di tenggara nagara bagian Veracruz,^[4] dan marupoan salah satu tumbuahan penyerbukan sandiri patamo nan alah dibudidayakan urang di Meksiko, Amerika Tangah, jo sabagian Amerika Salatan.^[5]

Lado sirah gadang (Capsicum annuum L.) marupoan salah satu jinih sayua yang nilai ekonominyo tinggi. Lado manganduang baragam senyawa yang baguno untuak kesehatan manusia.^[6]. Sun et al. (2007) malaporan lado manganduang antioksidan yang bafungsi untuak manjago badan dari sarangan radikal bebas. Kandungan antioksidan yang paliang banyak tadapek di lado ijau. Lado mengandung Lasparaginase jo Capsaicin pulo yang bafungsi sabagai zat antikanker (Kilham 2006; Bano & Sivaramakrishnan 1980).

Lado (Capsicum annum L) marupoan salah satu komoditas sayua yang banyak dibudidayoan petani di Indonesia dek punyo harago jua nan tinggi^[7] sarato punyo sajumlah manfaaik kesehatan yang salah satunya adolah zat capsaicin nan bafungsi dalam mangandalian panyakik kanker. Salain itu kandungan vitamin C yang cukuik tinggi pado lado dapek mancukuikan kabutuhan harian satiok urang, tapi harus dikonsumsi sacukuiknyo untuak maindaan padiah di lambuang.

• Media tantang Lado di Wikimedia Commons