Korut

Korut Temporal range: Pennsylvanian – Holocene, 319–0 Ma PreꞒ Ꞓ O S D C P T J K Pg N
Representatives of the three major extant spider groups (counterclockwise): Mesothelae, Araneomorphae om Mygalomorphae.
Scientific classification
Domain:	Eukaryota
Kingdom:	Animalia
Phylum:	Arthropoda
Subphylum:	Chelicerata
Class:	Arachnida
Clade:	Tetrapulmonata
Order:	Araneae Carl Alexander Clerck, 1757
Suborders
Mesothelae Opisthothelae Mygalomorphae Araneomorphae  See Spider taxonomy.
Diversity[1]
132 families, c. 50,000 species

Korut nopo nga songongi invertebrata artropoda karnivor di kigakod walu, kabang di au milo kapangagapan, haro duo tagma om organ di papaasil sutera.^[2] Korut kosuang sabaagi order Araneae, iso mantad ordo suang taang araknid di lobi agayo, tinimungan miagal do sengkenit om falangid. Gisom Magus 2022, haro 50,356 kawo korut suang 132 paganakan om 4,280 genus di nokosuat di puruan taksonomi.^[1] Ponoriukan kokomoi korut ointutunan sabaagi araknologi, om tulun di monoriuk korut ointutunan sabaagi ahli araknologi.

Kogumuan korut mogihum taakanon miampai momonsoi winalai korut montok mamalawa songongi suai. Walai di winonsoi mantad sutera korut, banang protein aalus om apanggor pinaasil mantad organ spineret id dohuri abdomen. Ngawi korut papaasil sutera, sundung po ingkaa nga okon ngawi momoguno montok momonsoi pamalawa di odoropi. Banang sutera gunoon nogi montok mindakod, momonsoi kantung tontolu, momolopi taakanon, mongopi sperma om ogumu po suai.

Oinsanan korut suai ko iso genus korut kiwaa munung di kitaring montok monusuk bisa^[3] di milo mamatai songongi di akanon om montok mogolig tinan sondii. Haro piipiro subset korut di milo manahak toruol kumaa tulun. Kogumuan kawo korut kaanu manahak topurimanan au osinggawa montok piipiro timpu nga amu manahak bagas montok timpu di anaru.