Tiger I

Tiger I es lo nom d'un tanc pesuc alemand desvolopat en 1942 e que serviguèt pendent la Segonda Guèrra Mondiala. La designacion oficiala alemanda èra Panzerkampfwagen Tiger Ausf. E, sovent abreujat en Tiger. Lo Tiger èra una responsa als blindatges espeses encontrats suls tancs sovietics T-34 e KV-1 pendent los primièrs meses de l'Operacion Barbarossa. La concepcion del Tiger I balhava a la Wehrmacht son primièr tanc amb un canon de 88 mm, qu'aviá ja fach pròva de son eficacitat a l'encòp subre de ciblas aerianas o terrèstras. Pendent lo debanament de la guèrra, lo Tiger I vegèt los combats subre tots los prats batalhièrs alemands. Èra generalament emplegats dins d'unitats de tancs independentas, que se revelèron d'una granda eficacitat.

E mai que lo Tiger I foguèsse crentat de sos adversaris, èra de concepcion tròp complèxa, utilizava de materials cars e de metòdes de produccion laboriós, e èra long de produire. Sonque 1347 foguèron bastits entre agost de 1942 e agost de 1944. Lo Tiger èra enclin a a d'unes tipes d'auvaris de canilhas e imobilizacions. Èra, pasmens, generalament mecanicament fisable mas car de manténer en estat e complicat de carrejar amor de sas ròdas intercaladas. En 1944, la production foguèt abandonada en favor del Tiger II.