Charlie Shavers

Charlie James Shavers (* 3. August 1917 in New York City; † 8. Juli 1971 ok dor) weer en US-amerikaansch Jazz-Trompeter ut de Tiet vun den Swing.

De eerst Instrumente, de Shavers speelt hett, weern Klaveer un Banjo, bevör he to de Trompete wesselt is. As Pianist is he in dat Tilly's Chicken Shack in Harlem uptreden, up dat Banjo speel he mit Bobby Hackett. Mit 18 Johren hett he sück 1935 de Band vun Tiny Bradshaw anslooten, 1937 gung he to Lucky Millinder un sluutend to de Band vun John Kirby, wo he Frankie Newton ersetten dee. De Band, de in' Onyx-Club uptreden dee, un dorüm ok Onyx Club Boys nömmt wurr, fier groot Erfolge as Swingband in lütt Besetten. Nebenbi hett Shavers ok noch Upträen mit Johnny Dodds, Jimmy Noone un Sidney Bechet harrt. Shavers hett nu ok Stücke för Kirby arrangeert un hett sien eegen Kompositschoon Undecided zu to en Hit maakt. .

1944 hett he de Band vun Kirby verlaaten, speel een Johr lang bi Raymond Scott un hett sück deen dat Orchester vun Tommy Dorsey anslooten. Nebenbi hett he noch Upnahmen mit de Metronome All-Stars maakt un gung mit Jazz at the Philharmonic up Tour. Nahdem Dorsey 1956 storen weer, hett sück Shavers in eerst Lien mit sien eegen Band befaat; so entstunn 1957 en Album mit de Singerin Maxine Sullivan. 1963 wark he an en Nee-Formeeren vun dat Dorsey-Orchester mit, de vun Sam Donahue leit wurr. Enn' vun de 1960er Johren harr he en eegen Quartett mit Budd Johnson.

Nah Digby Fairweather gull Shavers as en vun de best Swingtrompeter; technische Brillanz, flink Tempi, lineare Melodik un en faken witzig wirkende Artikulatschoon hemm sien Stil en persönliche Note geven. Richard Cook un Brian Morton betonen sien Humor un "sein intensives Gefühl" für die Geschichte des Jazz.

An' 8. Juli 1971 is Charlie Shavers in New York in dat Öller vun 53 Johren an Krebs storven. He is twee Daag nah Louis Armstrong storven; Shavers sien Mundstück wur de sien Sarg bileggt.

1997: Big Band and Jazz Hall of Fame

• Horn O'Plenty (Lonehill Jazz, 1954-58) mit Buster Bailey, Urbie Green, Russell Procope, Billy Kyle, Barry Galbraith, Bob Haggart, Specs Powell, Cozy Cole
• The Complete Charlie Shavers with Maxine Sullivan (Avenue Jazz, 1957) mit Bennie Moten, Buster Bailey, Russell Procope, Billy Kyle, Aaron Bell
• Charlie Shavers & Ray Bryant Quartet Recordings, Vols. 1-3 (Lonehill Jazz, 1958–1964)mit Aaron Bell, Tommy Bryant, Oliver Jackson, Jerome Richardson, Budd Johnson
• Here Comes Charlie (WRC, 1960) mit Ray Bryant, Tom Bryant
• Live (Black and Blue, 1970) mit Budd Johnson

• Ian Carr, Digby Fairweather & Brian Priestley: Rough Guide Jazz, Stuttgart, Metzler 2004 (2. Uplaag), ISBN 978-3-476-01892-2
• Richard Cook & Brian Morton. The Penguin Guide to Jazz on CD 6th edition. ISBN 0-14-051521-6
• Martin Kunzler: Jazzlexikon. Reinbek, Rowohlt, 1988