Johannes II.

Dr Johannes II. († 8. Mai 535) isch vum 2. Jänner 533 bis zue sym Dod Papscht gsii.

Sy Geburtsname isch Mercurius gsii. Är isch e Suhn vum Projectus gsii un isch z Rom uf d Wält chuu. Är isch dr erscht Papscht gsii, wu no syre Wahl sy Name gänderet het, wel er as Papscht nit welle dr Name vum remische Gott Mercurius drage. Vor syre Wahl zum Papscht isch er Prieschter an dr remische Chilche San Clemente gsii. Bis är gwehltworen isch, het s lengeri Ussenandersetzige gee, wel sy Vorgänger Bonifatius II. aigetli dr Vigilius zum Noofolger bstimmt ghaa het.

Im Liber Pontificalis stoht, ass er e persenli Glaubesbekänntnis vum byzantinische Chaiser Justinian I. kriegt het, derzue au wärtvolli Gschänk.

Är het feschtglait, ass d Papscht d Zuestimmig vum oschtgotische Chenig bruucht. Des Räch isch speter uf dr oschtremisch Chaiser iberdrait wore.

• Maria Cristina Penacchio: GIOVANNI II in dr Enciclopedia dei Papi (2000)
• Werner Schulz: Johannes II. In: Biographisch-Bibliographisches Kirchenlexikon (BBKL). Band 3, Herzberg 1992, ISBN 3-88309-035-2, Sp. 196–197.
• Ytrag in d Catholic Encyclopedia, Robert Appleton Company, New York 1913 (änglisch)

 Commons: Johannes II. – Sammlig vo Multimediadateie

• Adolf Jülicher: Ioannes 50. In: Paulys Realencyclopädie der classischen Altertumswissenschaft (RE). Band IX,2, Stuttgart 1916, Sp. 1808–1809.

Dä Artikel basiert uff ere fräie Übersetzig vu dere Version vum Artikel „Johannes_II._(Papst)“ vu de dütsche Wikipedia. E Liste vu de Autore un Versione isch do z finde.