Metallica

C'l artìcul chè 'l è scrit in Miranduléś

«

Hold my breath as I wish for death, Oh please God help me. Darkness imprisoning me, all that I see, absolute horror, I cannot live, I cannot die, trapped in myself, body my holding cell. Landmine has taken my sight, taken my speech, taken my hearing, taken my arms, taken my legs, taken my soul, left me with life in Hell.»

(EN)(One, 1988)

«

A tégn dènt'r al fiâ esénd ch'a vój murìr, Oh par piaśēr Dio jut'um. Al scûr al m imparśòna, tut qvél ch'a véd 'l è na scarésa 'd c'l àtar mónd, a n pòs minga vìvar, a n pòs minga murìr, a sòṅ intraplâ dènt'r ad mè, al mè còrp 'l è na parśòṅ. Na mina la s è tòlta la mè vista, la m à tòlt la paròla, la m à tòlt 'l udî, la m à tòlt i bras, la m à tòlt al gambi, la s è tòlta la mè anma, lasànd-um cun na vita a 'l Infèran.»

(MUD)

I califurniàṅ Metallica (a s lèś /məˈtælɨkə/ in ingléś) i èṅ un grup speed/thrash metal americàṅ, mis insém a Los Angeles in dal 1981. I lór prim lavór, cun di pès dimóndi śvélt e rabî e pîṅ ad tecnicìśum, i i à purtâ ad èsar òṅ di espunènt più impurtànt dal trash metal insém a Slayer, Megadeth ed Anthrax.

In dal cōrs di an, i aṅ vins nóṿ Grammy Awards e sinc di sò àlbum i s èṅ piasâ al prim pòst dla casìfica Billboard 200 al prim cólp. Cun da piò ad 100 migliòṅ ad disc vindû (60 migliòṅ in di Stat Unî), i Metallica i èṅ cunsiderâ òṅ di grup più impurtànt dla stòria d'l heavy metal e dal rock dal dè 'd incō.

Biugrafìa

Gl'Inisi (1981-1983)

Al grup al s è furmâ al 28 'd Utóbar dal 1981 par mèrit dal cantànt e chitarìsta James Hetfield e dal baterìsta danéś Lars Ulrich.

In di prim méś dal 1982 i Metallica i regìstran la lór prima cansòṅ, Hit the Lights, misa in dla racòlta Metal Massacre par vulér ad Lars, e pò i tóśan in dal grup Dave Mustaine cuma chitàra sulìsta. In Luj i regìstran al demo No Life 'Til Leather. Al pas sucesìṿ 'l è quél ad tór al basìsta Cliff Burton in di rang e ad spatinàr a San Francisco.

I prim àlbum (1983-1986)

In dal 1983 i quàtar i vànan a Rochester, New York, par tacàr a registràr al prim disc par la Megaforce Records ma Dave Mustaine al và via subìt par fundàr i Megadeth e al vèṅ rimpiasâ par Kirk Hammett, ex mémbar di Exodus. 'L àlbum al gh'iva da ciamàr-as Metal up your ass ma pò 'l à tòlt al nóm definitìṿ ad Kill 'Em All (Masâ-i tut). Al disc 'l è anc incō òṅ di più impurtànt dal thrash metal, cun di braṅ stòric cuma Hit the lights, The four horsemen, Jump in the fire, Whiplash e Seek & destroy. In pòc tèmp al vénd 5 migliòṅ ad còpi.

«

There is no escape and that is for sure, this is the end, we won't take any more, say goodbye to the world you live in, you have always been taking but now you're giving. Running, on our way, hiding, you will pay, dying, one thousand deaths, searching, seek and destroy. Our brains are on fire with the feeling to kill and it won't go away until our dreams are fulfilled, there is only one thing on our minds, don't try running away 'cause you're the one we will find.»

(EN)(Seek and destroy, 1983)

«

Ta n pò minga scapàr da ninsùni bandi e quést chè 'l è sicùr, ca la chè la fiṅ, a n s la cumpatém piò, dì ciào al mónd in du at viṿ, 't à sèmpar abû ma adès at darà. Scapànd via, in dla nòstra via, lugànd-at, 't la pagarà, murénd, mila mòrti, ranànd, pésca e śbraga incòsa. I nòstar sarvèi i èṅ in fiàmi da 'l sentimènt ad masàr e al n finirà minga in fiṅ a chè i nòstar sógn i n s sarànan minga eśaudî, a gh'è sól na ròba in di nòstar pinsér, minga pruàr a scapàr via parchè tè at sē quél ch'a catarém.»

(MUD)

In dal 1984 a vèṅ fóra al sécond àlbum Ride the Lightning (Cavàlca la silta), rigistrâ a Cupenàghen insém al prudutór Flemming Rasmussen dla Elektra Records. In cunfrònt a Kill 'em all, quést chè 'l è un disc più misć, cun di sòṅ melòdic in dal braṅ Fade to black, o di asói enérgic ad Kirk cuma in Trapped under ice, Creeping death o Fight fire with fire. Anc i tèst i èṅ più curâ, quél ad For whom the bell tolls al s è ispirâ al sermòṅ ad John Donne (Par chi sòna la campàna). Ride the Lightning 'l à vindû 8 migliòṅ ad copì a 'l incirca.

«

Cristallized, as I lay here and rest, eyes of glass stare directly at death, from deep sleep I have broken away, no one knows, no one hears what I say. Freezing, can't move at all, screaming, can't hear my call, I am dying to live, cry out, I'm trapped under ice.»

(EN)(Trapped under ice, 1984)

«

Cristaliśâ, mèntar a stag chè férum, òć ad védar i tènan 'd òć la mòrt, a sòṅ scapâ via da un són prufónd, ninsòṅ al sà, ninsòṅ a sènt quél ch'a dig. A sòṅ drē a ślar, a n gh la câv propria minga a móv'r-um, sigànd, a n gh la câv briśa a sintìr al mè arciàm, a mōr dla vója ad vìvar, a sîg fòrt, a sòṅ intraplâ sót al giàs.»

(MUD)

La mòrt ad Cliff Burton (1986-1987)

In dal 1986 i Metallica i aṅ fat 'l àlbum che dimóndi gint la pénsa ch'al sia al mijór ad tut: Master of Puppets (Al buratinàr), prudót anc quést par Flemming Rasmussen e pîṅ ad cansòṅ dimóndi lunghi (Master of puppets, Disposable heroes e Orion i dùran da piò 'd òt minùt). Dū dal sò canti i aṅ abû un sèrt sucès a la ràddio: la title track e Welcome Home (Sanitarium).

Al disc al s è piasâ a 'l vintnuvéśum pòst dla clasìfica americàna e 'l à vindû dódas migliòṅ ad còpi. Al tour prumusiunàł 'l à vdû al grup sunàr insém a Ozzy Osbourne.

«

Looking back I realize, nothing have I done, left to die with only friend, alone I clench my gun. Soldier boy, made of clay now an empty shell, twenty-one, only son but he served us well, bred to kill, not to care just do as we say, finished here, greetings Death, he's yours to take away. Back to the front, you will do what I say, when I say, back to the front, you will die when I say, you must die, back to the front, you coward, you servant, you blind man.»

(EN)(Disposable heroes, 1986)

«

Pinsànd-ag adrē a capìs ch'a n ò fat gnint, lasâ a murìr da par mè cun n'amìga sóla, a tégn sòdi la mè pistòla. Suldâ baghét, fat ad śmalta, adès un gus vōd, vint-i-òṅ an, fiól ùnic, ma 't à sa sarvî bèṅ, tirâ sù par masàr, minga p'r avér-'n a cór, fà sól quél ch'a t dgém, finìda chè, umàǵ a la Mòrt, 'l è tuo, port-at-al via. Tórna indrē al frònt, at farà quél ch'a t dig, quand a t al dirò, tórna indrē al frònt, at murirà quand a t al dirò, at gh'à da murìr, tórna indrē al frònt, tè cagasót, tè sarvidór, tè òrub.»

(MUD)

Al 27 ad Setémbar dal 1986, durànt al tour europeo in Śvèsia, a sucéd na diśgràsia a Ljungby: al pulmèṅ di Metallica al ślìcia su na strada giasàda e al s arbàlta śò. In d'l incidènt, Cliff Burton al finìs fóra di finestrèṅ e al mōr schisâ.

'L è un brut cólp p'r al grup: i Metallica i pènsan anc ad lasàr-as ma la famìja ad Cliff l'è la prima a sustgnìr-i e a dar-ag al curàǵ p'r andàr avànti.

Dimóndi i èṅ i grup ch'i aṅ dedicâ dal cansòṅ a 'l basìsta acsè dasfurtunâ: gl'Anthrax, par dir-'n una, i aṅ fat Among the living mént'r i Megadeth i aṅ cantâ in sò unōr In my darkest hour (da 'l àlbum So Far, So Good... So What!?).

...And Justice for All (1987-1991)

Al 28 'd Utóbar dal 1986 a vèṅ sarnî Jason Newsted par rimpiasàr Cliff. Cun al nóṿ basìsta, i Metallica i tàcan al Damaged Inc tour e i pùblican 'n EP (Garage Days Re-Revisited) ad cover ad grup metal e hardcore punk cuma Misfits e Diamond Head.

In dal 1988 al quartét califurniàṅ al fà gnir fóra al disc ...And Justice for All (...E giustìsia par tut). Al disc 'l è cunsiderâ, anc al dè 'd incō, al lavór più tècnic dal grup e 'l à vindû 14 migliòṅ ad còpi, anc p'r al mèrit dal Damaged Justice tour, òṅ di lór più bèi.

Da c'l àlbum chè 'l è stâ tòlt al prim sìngul di Metallica, One, un braṅ ispirâ al rumànś pacifìsta E Johnny al tulò al sćiòp ad Dalton Trumbo, un scritór ch'l iva subî 'l ostracìśum dal sò paéś e 'l éra stâ mis in parśòṅ in dal dòp guèra p'r ùndas méś parchè i pensàvan ch'al fus un cumunìsta. In dal vìddeo dla canta, a s véd di braṅ dal film umònim. Al tèst ad One al dascór 'd un suldâ ch'l iva pardû i bras e al gambi in dla secónda guèra mundiàla e 'l éra custrét a vìvar, sórd e òrub, su 'n lèt a 'l uśdàr.

'L àlbum al gh'à anc un braṅ dedicâ a Cliff, To Live Is To Die, 'l ùltim cumpóst da lò. Da nutàr anc Blackened (ch'la dascór dla mòrt) e Harvester of sorrow.

«

Halls of justice painted green, money talking, power wolves beset your door, hear them stalking, soon you’ll please their appetite, they devour, hammer of justice crushes you, overpower. The ultimate in vanity exploiting their supremacy, I can’t believe the things you say, I can’t believe, I can’t believe the price you pay, nothing can save you. Justice is lost, justice is raped, justice is gone.»

(EN)(And justice for all, 1988)

«

Tribunài piturâ ad vérd, i dascóran i bèsi, i lóv dal putér i t aspétan a 'l us, 't i sènt là fóra, prèst at farà cuntènt i lór apetìt, i divóran, al martèl dla giustìsia al ta schìsa, tròp putér. Al śmuinàr definitìṿ, sfrutànd i lór vantàǵ in di tò cunfrònt, a n gh la cav minga a crédar al ròbi ch'at dì, a n pòs minga, a n pòs minga crédar al prèsi ch'at pâg, gnint a t pól salvàr, la giustìsia l'è pardùda, la giustìsia l'è stupràda, la giustìsia l'è finìda.»

(MUD)

I prim an Nuànta (1991-1995)

In dal 1991 i Metallica i aṅ dat vita a un nóṿ àlbum, 'l umònim Metallica, prudót par Bob Rock, ch'l iva laurâ anc cun Mötley Crüe, Bon Jovi e Cher.

Al disc 'l è schisâ subìt al prim pòst dla clasìfica Billboard e 'l è cgnusû anc cuma black album (àlbum négar) par via dal culór dla cupertìna.

Metallica 'l è stâ al lór più grand sucès cumerciàl ad tut i tèmp (38 migliòṅ ad còpi vindùdi) anc par via di sìngui Enter Sandman, Sad but true, Wherever I may roam e Nothing else matters.

«

Now I lay me down to sleep, pray the Lord my soul to keep, if I die before I wake, pray the Lord my soul to take. Hush little baby, don't say a word and never mind that noise you heard, it's just the beast under your bed, in your closet, in your head.»

(EN)(Enter Sandman, 1990)

«

Adès a m còrag par durmìr, a prēg al Sgnór ad métar da part la mè anma, s'a gh'is da murìr prima 'd alvàr-um, a prēg al Sgnór ad tór-as la mè anma. Sito piculèṅ, a n dir gnint e minga dar a mènt a cal rumór ch'at à sintî, 'l è sól al móstar sòt al tò lèt, in dal tò armàri, in dal tò tèsta.»

(MUD)

A difarénsa dal disc precedènt, quést chè al gh'à dal parti ad bas dimóndi marcàdi, al chè al vōl dir ch'al cuntibùt ad Jason Newsted 'l è stâ bòṅ, anc par la crìtica. Anc se soquànt fans dal grup i n è minga stâ dimóndi cuntènt dal fat ch'a gh fus méno thrash da prima, al grup 'l à tucâ un sucès mai vist.

In dal 1992 i aṅ cantâ al Freddie Mercury Tribute a Wembley par ricurdàr al cantànt di Queen mòrt 'd AIDS Freddy Mercury insém a Robert Plant di Led Zeppelin, Elton John, David Bowie, Roger Daltrey di Who, George Michael, Zucchero, Liza Minnelli, Tony Iommi di Black Sabbath e i Guns N' Roses.

Fra Luj e Utóbar dal 1992, i Metallica i van in tour in di Stat Unî insém a i Guns N' Roses p'r al GNR-Metallica Stadium Tour. Durànt na data in Cànada a Montreal, mèntar 'l è drē a cantàr Fade to black, Hetfield al patìs n'espluśiòṅ a i bras e in dal grugn par via ad 'n efèt speciàl andâ mal. Al cantànt 'l è custrét a lasàr lè ad sunàr p'r un pōc, al canta e basta e al s fà rimpiasàr par soquànti dati par John Marshall di Metal Church.

'L an dòp i tàcan al Nowhere Else To Roam Tour e al 22 ad Śugn i èṅ a Turèṅ. In Nuvémbar a vèṅ fóra al prim disc live, Live Shit: Binge & Purge, un bèl disc ma ch'al custàva tròp.

Load and Reload (1996-1997)

In dal 1996 'l è la vòlta ad Load, un disc un pôc difarènt da chi àtar, cun di sòṅ ch'i s davśìnan a 'l hard rock e un lógo nóṿ ad paca. Anc 'l aspèt di Metallica al càmbia: i n pàran piò di metalâr ma piutòst di bui, cun di cavî curt, di tatuàǵ e di vistî da strada.

I tèst, scrit da Hetfield, i tràtan di argumènt persunài. Until it Sleeps, al prim sìngul, al dascór dla lòta pardùta fra sò màdar e al càncar, mèntar Mama Said al s riferìs al rapôrt minga tant fàcil fra lì lór du. Tut quést 'l è al ségn 'd un aluntanamènt da i téma impgnâ di àt'r àlbum. King nothing e Hero of the day i èṅ i àtar sìngui.

Al ritràt in cupertìna al s ciàma Semen and Blood III. 'L è stâ fat in dal 1990 da Andres Serrano, un futógraf americàṅ famóś p'r i sò lavór dimóndi discùs (cuma Piss Christ, na foto in du 'l à mis na crōś in dla sò pisa). In dal disc a s véd un lìqud misć furmâ da sangṿ ad bóv e dla sò śbòra misi insém in mèś a du fój ad plexiglas.

«

And you point your finger, but there's no one around, just want one thing, just to play the King but the castle's crumbled and you're left with just a name. Where's your crown, King Nothing? Where's your crown? Hot and cold, bought and sold, a heart as hard as gold, yeah! Are you satisfied?»

(EN)(King nothing, 1996)

«

E 't punt al dî ma a n gh'è ninsòṅ chè 'd intóran, at vō sól un quèl, at vō sól śugàr a far al Rè ma al castèl 'l è cascâ śò e a t rèsta sól al nóm. In du è-la la tò curóna, o Rè dal Gnint? In du è-la la tò curóna? Cald e fréd, cumprâ e vindû, al tò cór 'l è dur cuma 'l òr, sè! Sē't cuntènt?»

(MUD)

In prinsìpi Load 'l ira stâ pinsâ p'r èsar un disc dòpi ma pò al prudutór Bob Rock e i Mettalica i aṅ cambiâ idéa, sarnénd ad far gnir fóra 'l an dòp 'n àt'r àlbum: Reload. Dal punt ad vista artìstic, al disc 'l è dimóndi cumpàgn a c'l àtar, cun i sìngui The memory remains, Fuel e The unforgiven II.

Anc 'sta vòlta la cupertìna l'è 'd Andres Serrano (Piss and Blood) e la fà védar dla pisa misćiàda a sangṿ ad bò, sèmpar in mèś a du fój ad plexiglas.

«

Yeah, what I've felt, what I've known, sick and tired, I stand alone, could you be there 'cause I'm the one who waits for you or are you unforgiven too?»

(EN)(The unforgiven II, 1996)

«

Sè, qvél ch'a-j-ò sintî, qvél ch'a-j-ò cgnusû, daśgustâ e stuf, a m cat chè da par mè, at prév èsar chè parchè a sòṅ mè qvél ch'at sē drē a spetàr o sē't impardunàbil anca tè?»

(MUD)

I Metallica i s tóśan al sò tèmp (1998-2001)

In dal 1998 i quàt'r i faṅ vgnir fóra 'n àlbum dópi ad cover, Garage Inc.. Al prim CD al gh'à dènt'r ùndas braṅ inèdit cun dal canti di Black Sabbath, di Blue Öyster Cult, di Misfits e àt'r incóra e i sìngui Turn the page ad Bob Seger e Whiskey in the jar di Thin Lizzy (ch'l à vins al Grammy cuma Best Hard Rock Performance in dal 2000), tut rigistrâ in dal 1997 e in dal 1998. Al secónd CD al mét insém al sédas cansòṅ ad Garage days re-revisited e di àtar braṅ e b-side. Quéli più impurtànti, parchè sunàdi dimóndi vòlti da 'l viṿ, i èṅ Am I evil? di Diamond Head, Stone cold crazy di Queen e So what dla punk band Anti-Nowhere League.

«

Well, I fucked a queen, I fucked fuck, I've even sucked an old man's cock, so what, so what and I fucked a sheep, I fucked a goat, I rammed my cock right down its throat, so what, so what, so what, so what, you boring little fuck. Well, who cares, who cares what you do and, who cares, who cares about you, you, you, you, you. And I've drunk that, I've drunk this, I've spewed up on a pint of piss, so what, so what, I've had scank, I've had speed.»

(EN)(So what, 1987)

«

Vê, a-j-ò trumbâ na regìna, a-j-ò trumbâ, 'd un Dio, a-j-ò ciuciâ 'l uśèl a 'n vèć, e alóra?, e alóra?, e a m sòṅ trumbâ na pégra, a m sòṅ trumbâ na cavra, a-j-ò ficâ dèntar 'l uśèl in dla sò góla, e alóra?, e alóra?, e alóra?, e alóra?, ciulàdina nujóśa. Beh, a chi gh'in férga, a chi gh'in férga ad quél ch'at fà, sè, a chi gh'in férga, a chi gh'in férga ad tè, tè, tè, tè, tè. A-j-ò bvû qual lè, a-j-ò bvû qvést chè, a-j-ò gumitâ in na pinta ad pisa, e alóra?, e alóra?, a sòṅ stâ cun la baghéta bruta ch'la và cun tut, a-j-ò fat in présia.»

(MUD)

Dal 7 ad Mars dal 1999 i quàtar i faṅ part dla "Walk Of Fame" ad San Francisco e al sìndic 'd in alóra Willie Brown 'l à dit in manéra uficiàla che cal dè lè 'l éra al "dè di Metallica".

Al 21 e 22 'd Avrìl dal stés an, al grup 'l à fat n'eśibisiòṅ dal viṿ insém a l'urchéstra ad San Francisco, dirèta par Michael Kamen (ch'l iva bèla laurâ sèg a la canta Nothing Else Matters p'r al black àlbum). I vèṅ fati vint-i-òṅ cansòṅ, soquànti nóvi ad paca (No Leaf Clover e Human), atri piscàdi da i àlbum precedènt, cuma Of wolf and man o For whom the bell tolls. A gh'è anc la canta scrita p'r Ennio Morricone, The Ecstasy of Gold. Al cuncèrt 'l è pò gnû fóra in CD e DVD cun al nóm ad S&M (Symphony & Metallica).

«

Make his fight on the hill in the early day, constant chill deep inside, shooting gun, on they run through the endless grey, on they fight, for they are right, yes, but who' s to say? For a hill men would kill why? They do not know, stiffened wounds test their pride.»

(EN)(For whom the bell tolls, 1984)

«

AL cumbàt la sò batàja in sla culìna quand a taca al dè, un śēl fis in dl'anma, pistòli ch'i spàran, i vèṅ avànti ad cursa vèrs al griś infinî, i cuntìnuan a cumbàtar parchè i gh'aṅ ragiòṅ, sè, ma chi pōl dir-al? Parcòsa di óm gh'arév-i da masàr par na culìna? I n al sànan minga, ferìdi da castròṅ i'n dimóstran al curàǵ.»

(MUD)

In dal 2000 al quartét al vèṅ a savér che la sò canta I Disappear, ch'la gh'iva da gnir fóra in dla culóna sunòra dal film Mission Impossible II, l'éra stàda misa in d'l internet su Napster, un sit ch'al parmitìva ad dascargàr a gratis al cansòṅ in dal computer. Incasâ négar, i Metallica i gh faṅ cauśa e i dmàndan anc ch'i sìan casâ fóra i 335.000 utènt ch'i ivan dascargâ di sò braṅ in cal mèntar. In dal 2001, Metallica e Napster i càtan i s métan 'd acòrd e i la finìsan lè. Soquànt crìtic muśicài i tàcan però a ciàmar Ulrich, LAR$.

In dal 2001 al basìsta Jason Newsted al mòla al grup, uficialmènt par di mutìṿ persunài e ad salùt.

'N àtar brut cólp p'r al grup 'l è dal Luj dal stés an, quand Hetfield 'l è custrét a tacàr un prugràma ad riabilitasiòṅ còntar 'l alculìśum. Par 'n an a 'l incìrca, i Metallica i suspéndan tut i lavór e par cal mutìṿ chè i vaṅ in a risć ad mulàr-as.

I àlbum nóṿ di an Dumìla (2002-2010)

Al basìsta nóṿ di Metallica, Robert Trujillo

In dal 2002 Hetfield al s rimét e i Metallica i tàcan a lauràr al nóṿ àlbum insém a Bob Rock, ch'al sunàva al bas in cal mèntar, ma prima ch'al disc al gnis fóra, al grup al tōś al rimpiàs ad Newsted, Robert Trujillo ch'l iva laurâ in pasâ cun Ozzy Osbourne, Suicidal Tendencies e Infectious Grooves. St. Anger 'l è in di negòsi in dal Śugn dal 2003. 'L àlbum, più rabî e luntàṅ da quéi di an Nuànta, al vénd da più 'd un migliòṅ ad còpi in di Stat Unî ma al patìs anc dal crìtichi par via dal misàǵ minga tant gnû bèṅ p'r i fans. Quàtar i èṅ i sìngui estràt: St. Anger, Frantic, The unnamed feeling e Some kind of monster.

«

Fuck it all and fuck regrets, I hit the lights on these dark sets, medallion noose I hang myself, St. Anger round my neck, I feel my world shake, I can't look away, hard to see clear, is it me or is it fear? I'm madly in anger with you.»

(EN)(St. Anger, 2003)

«

Andâ tut a tōr-al in dal cul e anc i rimpiànt, a-j-ò impisâ al luś in chi pòst chè al scur, a m impìc cun al mdajòṅ dal matrimòni, Santa Ràbia l'è 'd intóran al mè còl, a sènt al mè mónd squasâ, a n pòs minga guardàr da di àtri bandi, 'l è dûr da véd'r-ag ciàr, sòṅ-j-a mè o è-la la paùra? A sòṅ rabî tèg dabòṅ.»

(MUD)

Dòp pòc méś, al grup al partìs par far di cuncèrt (al Summer Sanitarium Tour) insém a Limp Bizkit, Linkin Park, Mudvayne e Deftones. Sèmpar in dal 2003 i registràṅ na cansòṅ par la compilation in unór di Ramones We're a Happy Family: a s trata ad 53rd & 3rd.

In dal 2004 i faṅ gnir fóra al ducumentàri Some Kind of Monster ch'al dascór di mumènt dla registrasiòṅ dal disc.

Dòp avér rót al cuntràt cun al prudutór Bob Rock par pasàr cun Rick Rubin (famóś p'r i sò lavór cun i Red Hot Chili Peppers), in dal 2006 i tàcan incóra a sunàr dal viṿ. Al 22 ad Luj dal 2008 i èṅ a Bulógna.

Al 12 ad Setémbar dal 2008 a vèṅ fóra finalmènt al nòṅ àlbum in studi ciamâ Death magnetic, cun al prim sìngul estràt The day that never comes. A difarènsa ad St. Anger, Death Magnetic al gh'à na baterìa cun di sòṅ séc e dimóndi asói ad chitàra ad Kirk Hammett e riff ch'i faṅ gnir in a mènt i disc di an Utànta, specialmènt And justice for all. Anc al lógo 'l è turnâ quél da prima: quèl al vurà dir.

'L àlbum 'l à vindû da più ad 5 migliòṅ ad còpi e 'l è al quint di più vindû dal 2008. I àtar sìngui dal disc i èṅ: My apocalypse, Cyanide, The Judas kiss, All nightmare long e Broken, beat & scarred.

«

Born to push you around, you better just stay down, you put away, he hits the flesh, you hit the ground, maps so fulls of lies, tend to black your eyes, just keep them close, keep praying, just keep waiting. Waiting for the one, the day that never comes, when you stand up and feel the warmth but the sunshine never comes.»

(EN)(The day that never comes, 2008)

«

Nâ par dar-at di órdan, a sarév méj ch'at stis śò, tè at las stâr al ròbi, lò al culpìs la carna, at casc par tèra, al bóchi i èṅ acsè pini ad buśìi, lò 'l è sòlit far-at i òć négar, fà acsè: tîn-i sarâ, cuntìnua a pregàr, cuntìnua a spetàr. Spetànd cal dè, cal dè ch'a n riva mai, quand ta t léṿ e at sènt al calór, ma la luś dal sól la n riva mai.»

(MUD)

Furmasiòṅ

Quéla 'd adès

James Hetfield - vóś e chitàra rìtmica (1981 - incō)
Kirk Hammett - chitàra sulìsta (1983 - incō)
Robert Trujillo - bas (2003 - incō)
Lars Ulrich - baterìa (1981 - incō)

Ex-cumpunènt

Lloyd Grant - chitàra sulìsta (1981)
Ron McGovney - bas (1981/1982)
Dave Mustaine - chitàra sulìsta (1981/1983)
Cliff Burton - bas (1982/1986)
Jason Newsted - bas (1986/2001)
Bob Rock - bas (2001/2003)

Discugrafìa

Sìngui

Whiplash
Jump in the Fire
Fade to Black
Creeping Death
For Whom the Bell Tolls
Master of Puppets
Battery
Welcome Home (Sanitarium)
Eye of the Beholder
Harvester of Sorrow
...And Justice for All
One
Enter Sandman
Don't Tread on Me
The Unforgiven
Nothing Else Matters
Wherever I May Roam
Sad But True
Until It Sleeps
Ain't My Bitch
Hero of the Day
Mama Said
King Nothing
Bleeding Me
The Memory Remains
The Unforgiven II
Fuel
Better Than You
Turn the Page
Whiskey in the Jar
Die, Die My Darling
Nothing Else Matters '99
No Leaf Clover
I Disappear
St. Anger
Frantic
The Unnamed Feeling
Some Kind of Monster
The Day That Never Comes
My Apocalypse
Cyanide
The Judas Kiss
All Nightmare Long

Videugrafìa

Cliff 'em All
2 of One
A Year and a Half in the Life of Metallica
Live Shit: Binge & Purge
Cunning Stunts
S&M
Classic Albums: Metallica - The Black Album
Some Kind of Monster
The Videos 1989-2004

I Cuncèrt

1983 - Kill'Em All For One Tour
1985/1986 - Ride The Lightning Tour
1986/1987 - Damage, Inc. Tour
1988/1989 - Damaged Justice Tour
1991/1993 - Wherever We May Roam Tour
1993 - Nowhere Else To Roam Tour
1994 - Shit Hits The Sheds Tour
1995 - Escape From The Studio '95
1996/1997 - Poor Touring Me
1998/1999 - Poor Re-Touring Me
1999 - Garage Remains The Same Tour
2000 - Summer Sanitarium Tour
2003 - Summer Sanitarium Tour 2003
2003/2004 - Madly in Anger with the World Tour
2006 - Escape from the Studio '06
2007 - Sick of the Studio '07
2008/2010 - World Magnetic Tour

Culegamènt estéran

(EN) Sit uficiàl

v · d · m Grup Metal
Alternative metal	The Cult • Electric Six • Faith No More • Foo Fighters • Garbage • Jane's Addiction • Red Hot Chili Peppers • Skunk Anansie • White Zombie
Black metal	Belphegor • Mercyful Fate • Venom
Blues metal	Aerosmith • Cinderella • Lenny Kravitz • Tesla
Comedy rock	The Bates • Bloodhound Gang • Green Jellÿ • H-Blockx • Tenacious D
Death metal	Children of Bodom • Entombed • Morbid Angel
Doom metal	Black Sabbath • Candlemass • H.I.M.• Lacuna Coil • Paradise Lost • Type O Negative
Epic metal	Manowar
Grindcore	Carcass • Napalm Death
Grunge	Alice in Chains • Bush • Jerry Cantrell • Hole • Mad Season • Nirvana • Pearl Jam • Silverchair • Smashing Pumpkins • Sonic Youth • Soundgarden • Stone Temple Pilots
Hard rock	Extreme • Gun • Living Colour • Queen • The Doors • Uriah Heep • Velvet Revolver
Hair metal	Alice Cooper • Bon Jovi • Def Leppard • Europe • Faster Pussycat • Guns N' Roses • Kiss • L.A. Guns • Lita Ford • Mötley Crüe • Mr. Big • New York Dolls • Poison • Quiet Riot • Ratt • Scorpions • Skid Row • Slaughter • T-Rex • Twisted Sister • Van Halen • Vinnie Vincent Invasion • Warrant • W.A.S.P.
Heavy metal	Accept • AC/DC • Doro Pesch • Iron Maiden • Judas Priest • Motörhead • Ozzy Osbourne • Ronnie James Dio
Industrial metal	Fear Factory • Marilyn Manson • Nine Inch Nails • Rammstein
Nu metal	Coal Chamber • Deftones • Korn • Limp Bizkit • Linkin Park • System of a Down
Power metal	Helloween • Iced Earth
Progressive metal	Dream Theater • King Crimson • Queensrÿche
Punk	Blink 182 • Green Day • L7 • Ramones • Sex Pistols • Offspring
Symphonic metal	Apocalyptica • Nightwish
Stoner metal	Kyuss • Queens of the Stone Age
Thrash metal	Anthrax • Down • Exodus • Megadeth • Metallica • Overkill • Pantera • Sepultura • Slayer • Testament

Biugrafìa

Gl'Inisi (1981-1983)

I prim àlbum (1983-1986)

La mòrt ad Cliff Burton (1986-1987)

...And Justice for All (1987-1991)

I prim an Nuànta (1991-1995)

Load and Reload (1996-1997)

I Metallica i s tóśan al sò tèmp (1998-2001)

I àlbum nóṿ di an Dumìla (2002-2010)

Furmasiòṅ

Quéla 'd adès

Ex-cumpunènt

Discugrafìa

Àlbum in studi

Àlbum da 'l viṿ

Racòlti

EP

Sìngui

Videugrafìa

I Cuncèrt

Culegamènt estéran